Футбол боюнча улуттук кураманын Ооганстанга каршы оюнунда калыстык милдетти казакстандык калыстар аткарышат

Футбол боюнча улуттук кураманын Ооганстанга каршы оюнунда калыстык милдетти казакстандык калыстар аткарышат. Бул тууралуу КРнын Футбол федерациясынан кабарлашты.

Маалыматка ылайык, беттештин калысы Денис Измайлов болот. Ал эми каптал калыстары Александр Павлов жана Самат Тергеусизов болот. Резервдеги калыстын милдетин болсо кыргыз өлкөсүнөн Рысбек Шекербеков аткарат.

Кошумчалай кетсек, кыргыз футболчуларынын Ооганстан менен жолдоштук беттеши 31-мартка туураланган. 16:00дө баштала турган беттеш Ош шаарындагы Ахматбек Сүйүнбаев стадионунда орун алат.

Автор: Максат Кудайбердиев
Фото: Интернеттен алынды