Футбол боюнча өлкө биринчилигинде "Дордой" клубу "Ала-Тоону" утуп, 3 упайга ээ болду

Сезондогу алгачкы оюн курч мүнөздө өттү.

Борбордук клубдун жарым коргоочусу Элхан Темирбаев кезектеги чабуул аракетин көрүп жатат.

Голдун автору Курсанбек Шератов

ТОП-Лиганын 2015-жылкы сезонундагы алгачкы голду Курсанбек Шератов киргизди.

"Дордойдун" коргоочусу Марат Ажыниязов топту оюнга киргизүүдө.

Оюндун жүрүшүнөн...

"Ала-Тоо" футболдук клубунун башкы курамы

"Дордой" футболдук клубунун башкы курамы

Оюн алдында гимн обого жаңырды.

Солдон оңго: "Дордойдун" коргоочусу Азамат Байматов, чабуулчулар Алмаз Мирзалиев жана Калимулла КРнын Гимнин аткарып жатышат.

"Ала-Тоонун" футболчулары

"Дордойдун" оюнчулары

Оюнду Рысбек Шекербеков (ортодо) баштаган калыстардын бригадасы тейледи.

Өлкө биринчилиги - ТОП-Лиганын алгачкы оюну...

"Дордойдун" жарым коргоочусу Ислам Шамшиев (№11) атаандаштардын кезектеги чабуулун токтотуп жатат.

Бүгүн, 7-апрелде футбол боюнча өлкө биринчилиги – ТОП-Лиганын жаңы сезону башталды. Анда бишкектик “Дордой” өз үйүндө нарындык “Ала-Тоо” клубун кабыл алды.

Кыргыз өлкөсүнүн учурдагы чемпиону “Дордой” оюндун алгачкы мүнөттөрүнөн тарта демилгени колго алуу аракетин көрүп жатты. Ал эми атаандаштары каршы чабуул уюштуруу менен алдыга жылып жатышты. Оюндун 8-мүнөтүндө айып соккусун тепкен Курсанбек Шератов оюн эсебин ачты. Топ жогорку ылдамдыкта учпаса да, өз аянтчасында көп оюнчунун арасынан өзүнүн мүнөзүн көрсөтө албаган дарбазачы топту өткөрүп жиберүүгө мажбур болду. Оюндун калган бөлүгүндө да кооптуу кырдаалдар жаралып, оюндун акыркы мүнөттөрүндө "Ала-Тоонун" оюнчулары эсепти теңегенге арты-артынан ыңгайлуу мүмкүнчүлүктөрдү жаратышканы менен, көрүүчүлөр башка гол көрө алышкан жок.

Автор: Максат Кудайбердиев
Фото: Максат Кудайбердиев