Машыктыруучу Руслан Маджинов сабаган Олимпиадага даярдоо борборунун жетекчиси түтүкчөнүн жардамы менен тамактанууда

Үсөнкан Майназаров

Эркин күрөш боюнча улуттук курамдын машыктыруучусу Руслан Маджинов тарабынан сабалган Олимпиадага даярдоо борборунун жетекчиси Үсөнкан Майназаров ооруканадан чыга элек. Жаак сөөгү жабыркаган
Ү.Майназаров учурда түтүкчөнүн жардамы менен тамактанууда. Бул тууралуу SUPER.KG порталына КРнын Оор атлетика федерациясынын вице-президенти Улан Молдодосов кабарлады.

Маалым болгондой, дарыгерлер анын соккуга кабылган мурдун түздөп, көзөмөлдөөнү улантышууда. "Сокку катуу болгон үчүн азыркыга чейин башы ооруп жатат. Мындай учурларда тиешелүү органдар дароо чара көрүшү керек болчу",- дейт У.Молдодосов.

Олимпиадага даярдоо борборунун жетекчиси менен улуттук курамдын машыктыруучусунун урушу боюнча Дене тарбия жана спорт мамлекеттик агенттиги тарабынан түзүлгөн комиссияны агенттиктин директорунун орун басары Болот Мотукеев жетектеп жатат. Ал азырынча иштин териштирилип бүтө электигин айтты.

Автор: Максат Кудайбердиев
Фото: Максат Кудайбердиев