Сокулук районундагы Орок айылынын башчысы айыл тургунун сабап салды

Сокулук районундагы Орок айылынын башчысы Андаш Таргылов эки баласы менен кошулуп 21 жаштагы айыл тургуну Бексултан Керимбековду сабап салды. Бул тууралуу SUPER.KG порталына 29-апрелде өзүн Бексултандын агасымын деп тааныштырган Райымжан аттуу жаран билдирди. Анын айтымында, ур-токмокко кабылган Бексултандын мээси чайкалып, тиштери сынып калгандыктан, учурда ооруканага жаткырылды. Окуяга күбө болгонун айткан агасы айыл башчы өзүм билемдик кылып, мыйзамсыз жайга дүкөн курууга ашыгып, ушул ишке барганын билдирди.

“Менин үйүмдүн жанында тротуар салуу үчүн калтырылган жер бар. Мына ошол жерге Таргылов дүкөн салууда. Бул жерге курулуш жүргүзүүгө өзүнүн уруксат кагазы жок жана салууга мүмкүн эмес экендигин менден жакшы билет. Ал эми бул жер менин үйүмдүн жаны болгондуктан, “Эмнеге салып жатасыз? Салбаңыз” десем, “Сен кимсиң, кайдан келгенсиң? Керек болсо бул жактан кууп жиберем же атып салам!” деп коркутууга аракет кылды. Анысы аз келгенсип үйдү тегеретип суу алып өттү. Суу дубалга тийип, дубалды көчүргөнү калганда токтууну талап кылдым. Бирок бизге моюн сунбай, инимди сабап салды. Азыр инимдин тиштери сынып, катуу ооруганынан ооруканада жатат. Дарыгерлер баланын мээси чайкалып калганын айтышты.

Сокулук райондук милициясына арыз менен кайрылсам, алар “бала ооруканадан чыккандан кийин карайбыз” деп коюшту. Ал эми бүгүн кайрадан Каттоо кызматынын адистерин алып келип, айыл башчынын жасап жаткан ишин көрсөттүм. Алар бул жайга дүкөн салууга болбой турганын Таргыловдун өзүнө айтып кетишти. Эгерде Таргыловго чара көрүлбөсө, биз башка кадамга барабыз”,- деди Райымжан.

Автор: Жамалидин Парманкулов

16:58 29-04-2015

Жазылуу

РУБРИКАДАГЫ СОҢКУ КАБАРЛАР

11:13 2025-05-17 | Кылмыштар, кырсыктар

Бишкекте 25 жаштагы кызды сүзүп кеткен айдоочу кармалды 160 0

10:46 2025-05-17 | Түркүн дүйнө

Албаниянын өкмөт башчысы италиялык кесиптешин тизелеп тосуп алды (видео) 432 0

10:13 2025-05-17 | Түркүн дүйнө

Лас-Вегаста атышуу болуп, 2 адам каза тапты 344 0

09:47 2025-05-17 | Кылмыштар, кырсыктар

Жоокерлерди мазактаган аскер кызматкери камакка алынып, бир катар жетекчилер жазаланды 887 0

09:29 2025-05-17 | Кылмыштар, кырсыктар

Бишкектин мурдагы вице-мэри алдамчылыкка шектелип кармалды 558 0

08:49 2025-05-17 | Кылмыштар, кырсыктар

Бишкекте унаасында эсин жоготкон киши каза тапты (видео) 844 0

Архив

Комментарийлер (8)

Abdurahman

2015-04-29 17:32:50

Тооба кылдым ушул кантип болсун бир чара коруш керек го

880909

2015-04-29 17:45:47

мындай иштер буга чейин болуп келди эми мындан кийин да боло берет анткени мыйзам такыр иштебей калган, чечуунун бир гана жолу калган кээ бир жарандар акыйкат таппай чыркырап калганда ошондой жол м.н чечип калышты

AbdiMitalMagamedAliBektur

2015-04-29 19:11:04

Колунда бийлик турганда ээлеп алайын дегенго силерда айыл окмоттун тишин тазалап койгула

meli12

2015-04-29 20:12:48

ХХХ ХХХ ХХХ... айыл башчыны.

admin_portal

2015-04-30 12:37:10

meli12 - 3 күнгө БАН!
Провокация жарата турган билдирүүлөрдү жазууга тыюу салынат.

Medina87

2015-04-29 20:49:33

Бутундой бир айыл ишеним артып Айыл башчылыкка татыктуу адамдын иштеген иши жакшы эмес! Зан алдында оз жоопкерчилигин тартсын, б.а. жооп берсин!

bom.bon

2015-04-29 21:59:38

Кооооп кеткенго!органдардын кийин текшеребиз дегени жакпады оозу майланганго сыягы!

bakyt_2015

2015-04-29 22:37:08

Биздин кыргызга бийлик бербей эле кой да,эки кишиге эле старший кылсан дардандап кудайды тааныбай кетет. Айыл башчы ушуну кылып жатса аким,губернатор, министр,депутатын карапайым элди жан деп деле эсептебейт экен да.

Комментарий калтыруу үчүн өз ысымыңыз менен кириңиз же каттоодон өтүңүз.