Мейвезер - Пакьяо беттеши: Орзубек Назаров, Алмазбек Раимкулов жана башка мушкерлер беттеш тууралуу ой бөлүштү

3-майда Бишкек сааты боюнча 09:00дө Американын Лас-Вегас шаарында бокс боюнча жылдын мыкты беттештеринин бири болот. Анда америкалык Флойд Мейвезер менен Мэнни Пакьяо беттешет. Жарым орто салмакта (66,7) акыркы жылдары туруктуулук жагынан жана ылдамдык жагынан бул эки мушкерге теңдер жок. Ошондой эле беттеш үчүн Мейвезерге 150 миллион доллар, Мэнниге 100 миллион доллар төлөнөт. Мындай көрүнүштөрдү эске алып, серепчилер бул беттешти "кылымдын беттеши" деп аташты.

Бокс дүйнөсүндө кызуу талкууга алынып, түрдүү божомолдор айтылып жатат. SUPER.KG порталы да четте калбай, атактуу кыргыз мушкерлеринин беттеш тууралуу пикирин уктук. Ой бөлүшкөндөрдүн катарында Азия чемпиону Азат Усеналиев, профессионалдык рингге жаңы гана аттанган Урмат Рыскелдиев бар. Ошондой эле АКШда профессионалдык рингде 30 беттеш өткөргөн Алмазбек Раимкулов жана профессионалдар арасында 7 ирет Дүйнө чемпиону аталган Орзубек Назаровдун оюн уктук.

Орзубек Назаров, профессионалдар арасында WBA (Дүйнөлүк бокс ассоциациясы) версиясы боюнча Дүйнөнүн 7 жолку чемпиону:

- Бул мушкерлердин ортосундагы беттеш кызыктуу болот. Менин оюмча, алгачкы 3-4 раундда Мэнни Пакьяо атаандашын нокаутка же нокдаунга учуратса, жеңишти камсыздаганга мүмкүнчүлүгү болот. Эгер беттеш 12 раундга созулса, анда Мейвезер кийинки раунддарда баарын көзөмөлдөп алат. Мага Мейвезердин да, Пакьяонун да рингде өзүлөрүн алып жүргөнү жагат. Мен эки мушкердин бирине жан тартам деп айта албайм. Мен болгону кызыктуу беттеш күтөм жана мушкерлер эл күткөн беттешти көрсөтөт деп үмүттөнөм.

Алмазбек Раимкулов, профессионалдык рингде 30 беттеш өткөргөн мушкер:

- Бул эки мушкер бири-биринен стилдери менен айырмаланат. Экөө тең ылдам, мыкты мушкерлер. Менин оюмча, беттеш 12 раундга созулат да, жеңишти упай менен Пакьяого ыйгарышат. Анан жарым жылдан кийин же бир жылдан кийин кайра беттеш уюштуруп, анда Пакьяого көп каражат төлөшөт. Мен АКШда бир канча ирет профессионалдык рингге чыгып, бул чөйрөнү жакындан билип калгам. Мейвезер менен Пакьяонун ортосундагы беттешти миллионерлердин оюну деп баалайм. Ошондой эле мамлекеттик кызыкчылыктар да бар экенин эске алышыбыз керек.

Урмат Рыскелдиев, профессионал мушкер:

- Мен Пакьяо же Мейвезер утушу керек деп айта албайм. Айтуу да өтө оор. Эгер беттеш 12 раундга созулса, анда Мейвезер упай айырмачылыгында жеңишке жетишет. Рингде 1 сокку менен эле ийгиликке жетүү мүмкүн. Пакьяо азыр ар бир раундду утам деп жакшы маанайда иштеп жатат. Экөө тең абдан ылдам, боксту мыкты билген мушкерлер. Мен филиппиндик мушкер Пакьяого күйөрмандык кылам.

Азат Усеналиев, мушкер:

- Мен эки мушкерге тең бирдей карайм жана кайсы бири утат деп так кесе айта албайм. Менимче, Флойд Мейвезер утат. Себеби мушкердин куулугун, узатылчу соккуну алдын ала сезе билгенин белгилегим келет. Ошол эле учурда беттеш Америкада өтөт жана Флойд бир да жолу утулган эмес. Ал эми Пакьяо нокаутка учуратчу соккуларга ээ.

Автор: Максат Кудайбердиев

00:17 02-05-2015

Жазылуу

РУБРИКАДАГЫ СОҢКУ КАБАРЛАР

14:49 2025-05-09 | Коом жана турмуш

ЖЫЛНААМА, 9-МАЙ: Мындан 80 жыл мурун Советтик армия Улуу Ата Мекендик согушта жеңишке жеткен 62 0

13:55 2025-05-09 | Коом жана турмуш

SUPER.KG порталы кыргыз элин Улуу Жеңиш күнү менен куттуктайт 111 0

13:52 2025-05-09 | Супер-Инфо

“Акчанын айынан ооруканага жетпей жүрөбүз” 124 0

13:47 2025-05-09 | Коом жана турмуш

Жеңишке 80 жыл: Кыргызстандыктарды бир катар өлкөлөрдүн башчылары куттукташты 126 0

13:29 2025-05-09 | Коом жана турмуш

Жеңишке 80 жыл: Оштогу “Өчпөс от” комплексине гүлчамбар коюлду 210 0

13:24 2025-05-09 | Супер-Инфо

Арина Исакова, актриса: «Жолдошум мени таң калтырып бүтпөйт...» 223 0

Архив

Комментарийлер (21)

Bors

2015-05-02 00:47:31

Мен да профеционал боксёрмун: менин оюмча 12. Раундтук бетеш болот бир очко менен Флойд Мейвезерге женишти берип коюшу мумкун. Бирок бетеш абдан кызыкту болот экоо тен абдан ылдам иштеген бокусчулар Пакьяону женишин каалайт элем.

Saribulak

2015-05-02 01:23:35

Мен боксер деле эмесмин. Менин ойумча менни пакьяо женет деп ойлойм себеби мен ошону колдойм..

banda-312

2015-05-02 01:32:17

Пакьяо женет менин оюумча мен ошону колдойм

eldar96

2015-05-02 01:45:49

пакьяо женсин эми чыдамсыздык менен куткон беттеш да жакындап калды

kg91

2015-05-02 07:08:25

Мен екону тен колдойм жакшы мушкерлер
Ким женгенин 4.унчу майда айтып берем.
Азырынча айтууга ерте..

warsaw.

2015-05-02 08:22:02

пакьяо 6 - раундда накаутка учуратат деп ойлойм,и майвезер алгачкы ирет накаутка и биринчи жолу жеңилгенге дуушар болот!

-1

tursunbaev2004

2015-05-02 14:32:19

warsaw.,козун ачыкпы?

Amai

2015-05-02 10:32:47

Супер инфо ошол бетештин видосун сайытынарга жуктогулочу коройун жыргап.

beka88

2015-05-02 10:36:10

кайсынысы пакьяо кайсынысы майвезер? мен борецмин экоон тен курошто жыгам,,,

warsaw.

2015-05-02 10:55:04

beka88, негр майвезер сага окшошу пакьяо,алар күрөшпөйт боксташат
күрөшсөң емельяненкого бар

tursunbaev2004

2015-05-02 14:34:01

beka88,негр Майвезер

uran98

2015-05-02 10:57:01

пакьяо женсе екен еми

Abdurahman

2015-05-02 11:52:22

Ооба азыр алардын мени менен мушташканына али эрте, экоо мушташсын анан женгени мага келсин айтып койгула

eldar96

2015-05-02 13:13:45

Abdurahman,

соссуз айтып коём

tursunbaev2004

2015-05-02 14:36:52

Abdurahman,азыр келеем деп качып кетпейсинби?

ruslan1985

2015-05-02 13:01:42

Мен покияону колдойм буйурса америкосту азият женет

sasa71

2015-05-02 18:00:52

Покияо женишке жетишет деп ойлойм.

Patriot...kg

2015-05-02 19:26:44

Пакьяао сага ийгилик.
Биз азияттар сени колдойбуз.

nurik2103

2015-05-02 23:02:15

Пакяо кайсы мамлекеттен

bakyt_2015

2015-05-02 23:41:59

nurik2103, Филипиндик.

bazarkyl

2015-05-03 09:00:36

майвезер куу анын тактикалары атандашынын тактикасын бузуу болуп саналат. Майвезердин атасы да 20 жыл атаандашынын тактикасын бузуу менен алектенге. Майвезер утут.

Комментарий калтыруу үчүн өз ысымыңыз менен кириңиз же каттоодон өтүңүз.