Кыргыз балбаны Магомед Мусаев Азия чемпиондугунда финалга чыкты, дагы 3 балбаныбыз жарым финалга жетпей калды

Бүгүн, 7-майда Катарда күрөш боюнча Азия чемпиондугу уланууда. Мелдештин экинчи күнүндө 5 салмак категориясында жеңүүчүлөр аныкталып жатат. Бул күнү кыргыз спортчулары 4 салмакта күчтөрүн сынашууда. Мелдештин расмий сайты кабарлагандай, 97 килограмм салмакта Магомед Мусаев финалга чыкты. Ал финалда ирандык Мохаммадхоссейн Аскари Мохаммадиан менен беттешет.

Ал эми бул күнү алгачкы беттештерин уттуруп жиберген кыргыз балбандары Эламан Догдурбек уулу (70 килограмм салмакта), Адилет Маматаев (61 кг) жана Муслим Евлоев (74 кг) коло медаль үчүн беттештерди өткөрүшмөкчү.

Автор: Максат Кудайбердиев
Фото: Максат Кудайбердиев