Баткен райондук суу чарба башкармалыгынын кызмат адамдары мамлекетке 7,5 миллион сомдон ашык зыян келтиришкен

Баткен райондук суу чарба башкармалыгынын кызмат адамдары мамлекетке 7,5 миллион сомдон ашык зыян келтиришкен. Бул тууралуу бүгүн, 13-майда Ички иштер башкармалыгынан билдиришти.

Маалыматка караганда, 2014-жылы суу түтүктөрүн оңдоо үчүн тендер өтүп, мамлекеттен 10 миллион сом бөлүнгөн. Тендердин жүрүшүндө кыргыз-түрк биргелешкен ишканасы жеңүүчү аталган. Бирок ушул күнгө чейин 7,5 миллион сомдук суу түтүктөрү орнотулган эмес. Учурда бул факт боюнча кылмыш иши козголуп, тергөө амалдары жүрүп жатат.

Автор: Бекжан Рыскулов