Кыргыздын футболчу кыздары Бахрейн жаштар курамасына каршы жолдоштук оюнда утулуп калышты

19 жашка чейинки курактагы футболчу кыздардан түзүлгөн өлкөнүн курамасы Бахрейнде машыгуу сборун өткөрүүдө. 22-майда машыгуу сборунун алкагында футболчу кыздарыбыз Бахрейн жаштар курамасы менен жолдоштук беттешке чыгышты. Бул тууралуу КРнын Футбол федерациясы кабарлайт.

Маалыматка ылайык, жолдоштук беттеште 2:0 эсебинде атаандаштар жеңишке жетишти. Бул курамалардын ортосунда экинчи жолдоштук беттеш бүгүн, 25-майда орун алат.

Кошумчалай кетсек, 8 күндүк машыгуу сбору жаштар арасындагы Азия чемпиондугунун тандоо туруна даярдыктардын алкагында өтүүдө.

Автор: Максат Кудайбердиев