Кыргыз волейболчулары Азия чемпиондугунда Мальдив аралдарынын курамасына утулуп, мелдештен четтеп калышты

Кечээ, 26-майда Бангладештин Дакка шаарында волейбол боюнча Азия чемпиондугунда “В” тайпасында 3-тур оюндары орун алды. Анда кыргыз волейболчулары Мальдив аралдарынын курамасына каршы турушту. Жеңүүчү аталган курама жарым финалга жолдомо алмак. Андыктан беттеш кызуу башталып, жыйынтыгында 3:0 эсебинде мальдивдиктер жеңишке жетишти. Бул тууралуу КРнын Волейбол федерациясынан кабарлашты.

Маалыматка ылайык, буга чейин “В” тайпасында кыргыз мамлекетинин курама командасы Непалга 3:1 эсебинде утулуп, Бангладешти 3:0 эсебинде утуп алган. Тайпадагы экинчи жеңилүүдөн кийин волейболчуларыбыз медаль үчүн болгон күрөштөн четтеп калышты.

Автор: Максат Кудайбердиев
Фото: КРнын Волейбол федерациясы