Май айынын башынан бери Баткен облусунда 3 кыз өз өмүрүнө кол салды

Май айынын башынан бери Баткен облусунда 3 кыз өз өмүрүнө кол салды. Бул тууралуу SUPER.KG порталына 27-майда Баткен ОИИБинин коомдук коопсуздук бөлүмүнүн өспүрүмдөр менен иштөө инспекциясынын ага инспектору Алтынбек Эрдикулов билдирди. Анын айтымында, бул 3 кыздын өз өмүрүн кыюуга барганына олуттуу себеп жок.

"Жыл башынан бери мындай өңүттөгү жалпы 5 факты катталса, анын 3 фактысы май айында болду. 3-май күнү Кадамжай районундагы айылдардын биринин жашоочусу, 10-класста окуган кыз асынып өлүп алды. Анын өлүмүнө олуттуу эч кандай себеп болгон эмес, үйүндөгүлөр менен деле жакшы мамиледе болгон. Ал эми 5-май күнү аталган райондо 1997-жылы туулган кыз өз өмүрүнө кол салып, асынып алган. Себеби белгисиз. Бирок өткөн жылы мектепти аяктап, апасы менен Орусияга иштегени кетип, кайра апрель айында кыргыз жерине кайтып келген экен. Мүмкүн, үй-бүлөлүк себептен улам ушул жолго баргандыр. Ошондой эле 21-майда Лейлек районунда жашаган 9-класстын окуучусу мал сарайында асынып турган жеринен табылды. Ата-энеси кызынын мындай жолго барганына таң калып, бирок эч кандай себеп жок болгонун айтышууда",- деди Эрдикулов.

Ага инспектор учурда облуста мектеп окуучуларына мындай жолго барбоого чакырган атайын түшүндүрүү аракеттери көрүлүп жатканын кошумчалады.

Автор: Жамалидин Парманкулов

17:38 27-05-2015

Жазылуу

РУБРИКАДАГЫ СОҢКУ КАБАРЛАР

11:13 2025-05-17 | Кылмыштар, кырсыктар

Бишкекте 25 жаштагы кызды сүзүп кеткен айдоочу кармалды 160 0

10:46 2025-05-17 | Түркүн дүйнө

Албаниянын өкмөт башчысы италиялык кесиптешин тизелеп тосуп алды (видео) 432 0

10:13 2025-05-17 | Түркүн дүйнө

Лас-Вегаста атышуу болуп, 2 адам каза тапты 344 0

09:47 2025-05-17 | Кылмыштар, кырсыктар

Жоокерлерди мазактаган аскер кызматкери камакка алынып, бир катар жетекчилер жазаланды 887 0

09:29 2025-05-17 | Кылмыштар, кырсыктар

Бишкектин мурдагы вице-мэри алдамчылыкка шектелип кармалды 558 0

08:49 2025-05-17 | Кылмыштар, кырсыктар

Бишкекте унаасында эсин жоготкон киши каза тапты (видео) 844 0

Архив

Комментарийлер (3)

Bektur2

2015-05-27 17:52:43

Азыркы жаштар женил ойлуу ата-энелер урушса да адам болсун деп урушат аны тушунушпойт. олгондун оз шору дегендей бир кулу ачыла электе жашоонун жыргалын корбой кете беришти.

temirov76

2015-05-27 21:32:55

Бул озунчо бир ооруу болуп эсептелет менимче.

tynara81

2015-05-27 21:54:51

Улуулардан укканым боюнча бул оору экен. Кулагына кандайдыр бир шыбыр угулуп, асын, бол эми, эртелет ж.б.у.с. сөздөрдү айтып, артынан ээрчип алат имиш.

Комментарий калтыруу үчүн өз ысымыңыз менен кириңиз же каттоодон өтүңүз.