Америка Кубогунда Аргентинанын футболчулары Колумбияны пенальтилер сериясында утуп, жарым финалга чыгышты

27-июнга караган түнү футбол боюнча Америка Кубогунун үчүнчү жарым финалчысы аныкталды. Чейрек финалдык оюндун жыйынтыгында жарым финалга Аргентина курамасы чыкты. Месси баштаган аргентиналыктар бул баскычта Колумбия курамасы менен кез келип, 0:0 эсебинде тең ойношту. Оюндан кийинки пенальтилер сериясында алар атаандаштарын 5:4 эсебинде утушту.

Оюн учурунда дүйнөнүн мыкты футболчуларынын бири Лионель Мессинин соккусун дарбазачы Оспина чыгарып кетти. Көпчүлүк оюндагы ушул эпизодду талдап жатат. Ал эми Месси өзү: "Менин соккума Оспина жетет деп ойлогон эмесмин. Гол жаралбай калганын көрүп, өлгүм келди",- деди.

Кошумчалай кетсек, буга чейин аталган мелдеште 2 жарым финалчы аныкталган. Үй ээси чейрек финалда учурдагы чемпион Уругвайды ээрден оодарса (1:0 эсебинде утту), Перу курамасы Боливияны үйүнө айдады (1:3).

Чейрек финалдагы атаандаштар жана жыйынтыктар:

24-июнь: Чили – Уругвай – 1:0

25-июнь: Боливия – Перу – 1:3

26-июнь: Аргентина - Колумбия - 0:0 (пенальтиден 5:4)

27-июнь: Бразилия – Парагвай

Автор: Максат Кудайбердиев