Кара-Жыгач сейил багындагы жер тилкелерин мыйзамсыз ээлеп алгандарга чара көрүлөт

Бишкек шаарындагы Кара-Жыгач сейил багында жер тилкелерин мыйзамсыз ээлеп алгандарга чара көрүлөт. Бул тууралуу 24-июлда мэриянын басма сөз кызматы билдирди.

Маалыматка караганда, Бишкек шаарынын мэриясынын Жеке турак жай куруу департаменти тарабынан жерди басып алуу фактысы аныкталган. Курулушту токтотуу чечими кабыл алынса да, куруучулар ишин токтотушкан эмес. Мындан улам курулуш ээлерине чара көрүү боюнча Свердлов РИИБине арыз жазылган. Свердлов райондук тергөө комитети факты боюнча кылмыш ишин козгоого токтом чыгарды.

Автор: Айпери Ганыжан кызы