Муфтий Токтомушев ар түрдүү согушчул агымдардын интернет аркылуу жарыялаган чакырыктарына азгырылбоого үндөгөн кайрылуу жасады

Муфтий Максатбек ажы Токтомушев Кыргыз Республикасынын элине кайрылуу жасады. Бул тууралуу 28-июлда муфтияттан билдиришти.

Муфтий кайрылуусунда өлкө жарандарына диний баалуулуктарды, улуттук өзгөчөлүктөрдү эске алуу менен бирге элибиздин бүтүндүгүнө, мекендин тынчтыгына, мамлекетибиздин туруктуулуугуна, өнүгүп-өсүүсүнө биргеликте салым кошууга чакырды. Ошондой эле өлкөнүн тынчтыгы үчүн ынтымакта, улут-урууга бөлүнбөй, провокациялык иш-чараларга азгырылбай, сабырдуулук, такыбалык, күнөөдөн сактануу менен жашоого чакырат.

"Ар кандай жаман чакырыктарга азгырылбай, өзүбүздү оңдойлу. Жалпы адамзат үчүн, жан-жаныбарлар үчүн эң зарыл болгон нерсе - тынчтык. Тынчтык болсо, баары жакшы болот. Согуш болсо, баары жаман болот. Ал эми тынчтыктын кадырын согуш болуп жаткан жердеги эл билет дегендей, учурдагы ар түрдүү провокациялар - тынч элди дүрбөлөңгө салчу, кан төгүүнү алып келүүчү иштер. Акылман, даанышман элибиздин, улуу мусулман улутубуздун жана куттуу жерибиздин ыркы кетип, баш аламан болушуна жол бербешибиз керек.

Ислам - бул террор эмес, ал эми террордук жардыруу исламдын пейилинен эмес. Жалпыңыздарга кайрыларым, кайсы жерде болбосун, биримдикке салым кошуңуздар, ажырымга,
бөлүнүп-жарылууга жол бербеңиздер. Ар түрдүү согушчул агымдардын интернет аркылуу чакырган чакырыгына жооп берип, эки момунду чабыштырган дин душмандарынын курмандыгына айланбаңыздар. Элибиздин тынчтыгы абдан маанилүү. Баарыбыз бирге тынчтыкка кол суналы",- деп айтылат кайрылуусунда.

Автор: Жамалидин Парманкулов

10:15 29-07-2015

Жазылуу

РУБРИКАДАГЫ СОҢКУ КАБАРЛАР

09:32 2025-05-16 | Коом жана турмуш

Бишкекте 18-майдан 24-майга чейин бүтүрүүчүлөргө жалпы республикалык тестирлөө өтөт 23 0

09:32 2025-05-16 | Супер-Инфо

Алп актёр Дэйв Батиста 32 0

09:21 2025-05-16 | Кылмыштар, кырсыктар

Акыркы суткада республикада 15 өрт кырсыгы катталды 72 0

09:01 2025-05-16 | Коом жана турмуш

Бишкек бийлиги мектептерде акча чогултууга тыюу салынганын эскертти 194 0

08:48 2025-05-16 | Коом жана турмуш

Жалпы республикалык тестирлөөгө кошумча каттоо жүргүзүлөт 148 0

08:23 2025-05-16 | Коом жана турмуш

Доллардын сомго карата наркы 346 0

Архив

Комментарийлер (4)

zhykyo

2015-07-29 10:20:43

Колдойм

bolotbai

2015-07-29 10:28:03

Абдан жакшы кайрылуу кылган муфтийибиз,аллах таалам раазы болсун сизге.Мен да колдойум,жерибизде Кыргызстаныбызда тынччылык бейпилдик аманчылык гана болсун деп алладан суранам.Эч ким эч жакка болунбой,жаман создорго алданып азгырылбай биримдикте бололу Кыргыз элим.

Night.Wolf

2015-07-29 11:36:44

Ушул Муфтийдин айткандарын баарын колдоп жана айткандарын жасашыбыз керек.

karona

2015-07-29 11:51:36

Эн туура, ушундай кайрылууларды кобуроок жасап турсаныз кыргыз элим тынчтыкта, бейкутчулукта, биримдикте, ынтымактуу болуп бир женден кол, бир жакадан баш чыгарып жашашына козум жетет.

Комментарий калтыруу үчүн өз ысымыңыз менен кириңиз же каттоодон өтүңүз.