Малайзиялык журналисттер "кыргыздар акчанын артынан куубай, шашпай жашайт экен" дешти

24-29-июль күндөрү кыргыз жери менен таанышкан малайзиялык журналисттерге бүгүн, 30-июлда маалымат жыйынында "Малайзиянын эли кыргыздардан эмнени үйрөнсө болот?" деген суроо берилди. "The Star"
медиахолдингинин журналисти Ох Чин Энг кыргыз жеринде үй-бүлөлөр ортосундагы достук абдан бекем экенин белгиледи. "Ысык-Көлдүн жээгинде ата-энелер балдары менен жыргап эс алышканын көрдүм. Ушуну биз сиздерден үйрөнсөк болот. Мындан тышкары тамактануу учурунда кыргыздар тамак-ашын жеп бүтүп, анан шашпай сүйлөшүшөт экен. Биз болсо тамактануу учурунда эле кыйкырып сүйлөшөбүз",- деди Чин Энг.

"Малайзияда ар бир адам акча үчүн чуркап, убакыт тез өтөт. Кыргыз эли акырын басып, эс алып жашайт экен. Ушуну да үйрөнсөк болот сиздерден. Акчанын артынан чуркабай, мезгил-мезгили менен Малайзия эли да эс алса болот",- деп кошумчалады журналист.

“Bernama” медиамекемесинин оператору Хайрул Икхван ар бир өлкөнүн кемчиликтери болорун белгиледи. "Жашоодо бардыгы идеалдуу болбойт да. Туризм тармагындагы кемчиликтерди жоюу үчүн интернеттеги социалдык тармактар аркылуу жазып жарыялап турсак, бул маселени чече алабыз",- деп сунуштады Икхван.

Айта кетсек, 24-июлда Кыргыз Республикасынын Малайзиядагы элчилигинин чакыруусу менен өлкөгө “The Star”, “TV3 Malaysia”, “Bernama” аттуу 3 ири малайзиялык медиамекеменин журналисттери келишкен. Алар: кабарчы Ох Чин Энг (“The Star”), фотограф Онг Сун Хин (“The Star”), кабарчы Азария Тагайа (“TV3 Malaysia”), оператор Ахмад Азизи бин Аднан (“TV3 Malaysia”), кабарчы Суриати Сануси (“Bernama”) жана оператор Хайрул Икхван бин Жаафар (“Bernama”).

Иш-чаранын максаты - Кыргыз Республикасын эл аралык аренада даңазалоо.

Кыргызстан малайзиялык журналисттердин көзү менен

Автор: Нургазы Аматов
Фото: Нургазы Аматов

11:59 30-07-2015

Жазылуу

РУБРИКАДАГЫ СОҢКУ КАБАРЛАР

09:32 2025-05-16 | Коом жана турмуш

Бишкекте 18-майдан 24-майга чейин бүтүрүүчүлөргө жалпы республикалык тестирлөө өтөт 23 0

09:32 2025-05-16 | Супер-Инфо

Алп актёр Дэйв Батиста 32 0

09:21 2025-05-16 | Кылмыштар, кырсыктар

Акыркы суткада республикада 15 өрт кырсыгы катталды 72 0

09:01 2025-05-16 | Коом жана турмуш

Бишкек бийлиги мектептерде акча чогултууга тыюу салынганын эскертти 194 0

08:48 2025-05-16 | Коом жана турмуш

Жалпы республикалык тестирлөөгө кошумча каттоо жүргүзүлөт 148 0

08:23 2025-05-16 | Коом жана турмуш

Доллардын сомго карата наркы 346 0

Архив

Комментарийлер (22)

marmilantka

2015-07-30 13:28:12

Мери. Тааныштырып койойунбу ал коз айнекчен бала менин байкем болот. (тамаша)

Izdeim_seni.

2015-07-30 13:44:18

Давно эле акчанын артынан кууп калганбыз,элибиз да меймандос болбой калган уже. Акчан болсо меймандостугубузду коргозобуз,жок болсо бироонукуно бир кун жашап коргулочу,кандай эле кууп чыкбайт экен.

kg-bala87

2015-07-30 13:50:37

россияда иштеп акчаны кууп анан ыссык колго барып алып кээнири эс алып атканда коруп калышыптырда акчанын айынан кантип иштеп жургонубузду билишпейтда
тамактанып алып шашпай суйлошуп отурган чын бир ысык чай ичели деп койуп ((

nazi25

2015-07-30 14:40:21

Ар кайсы өлкөлөрдө акчанын артынан кууп жетпей жүрөбүз го.

nazi25

2015-07-30 14:40:21

Ар кайсы өлкөлөрдө акчанын артынан кууп жетпей жүрөбүз го.

sabyr86

2015-07-30 14:43:23

Жетпеген жашоонун айынан,акчанын артынан кууп жетпей жинди болгону калдык го.Айылда элдер эс алганга убактысы жок.бири тоодо уй саап курут сатып,бири мал карап,бири айылда чөп чаап кымкуут түшүп аткан маал.

bom.bon

2015-07-30 15:05:36

шугур кылбасан миллиард акчан болсода дагы болсун дагы дейбересин.

Savai80

2015-07-30 16:07:55

Акчанын артынан куубай, бейкапар жашаган да кыргыз болот экен да ээ тообо кылдым

Bek.kg1989

2015-07-30 18:12:51

вохахаха,10кыргыз ыссык колдо,калган миллион кыргыз россияда тытынып акчаны артынан журот,ата энеси балачакасынан алыс болуп,какшыктап суйлоптур

joni.joni

2015-07-30 20:11:19

ээ булар туурамес тушунуп алышкан турбайбы.ал эс алып жаткандар ошо акчанын артынан кууй берип чарчагандарда.А биз болсо даагы деле кууп журобуз.

ziya

2015-07-31 00:47:52

Мен да Малвйзия олкосуно барганда элдерин коруп ойлогом шашпай жашашат экен деп.магазинде очередь кутуп турганда карабай астына отуп кетсен эч нерсе дешпей тура беришет даже автобуска да узун очередьке туруп туртушпой киришет.

ziya

2015-07-31 00:50:42

Суйлошкондорун угуп турсан п тамгасын коп колдонушат.кыргыз тилинде кайсы тамганы коп угасынар десем ч тамгасын дешет

ziya

2015-07-31 00:52:50

Ош базарыбыздан намыстанбай эле койгула аларда деле ушундай базарлар бар чет жактарында

karona

2015-07-31 12:13:25

Эл кайсы акчанын артынан куусун эми, "чиновниктерибиз" эчак эле кууп жетип алып коюшса.

Memory

2015-07-31 13:31:54

Балким оздорунун элдерине салыштырмалуу айтып жатышкандыр. Ал жактын элин биз билбейбиз да. Бирок чындап келгенде биздин эл шашпай жашашат. Мен билген европада баарын пландап алышып ошонун аркасынан кууп журо беришет.

Комментарий калтыруу үчүн өз ысымыңыз менен кириңиз же каттоодон өтүңүз.