Футбол боюнча өлкөбүздүн өспүрүмдөр курамасы алдыдагы мелдешке даярдык алдында балдар үйүндө болушту

16 жашка чейинки курактагы футболчулардан түзүлгөн өспүрүмдөр курамасы бүгүн, 5-августта Москва районундагы Ак-Суу айылындагы балдар үйүндө болушту. Анда жаш футболчулар ал жактын тарбиялануучулары менен маектешишти. Ошондой эле аларга мээрим төгүп, таттууларды тапшырышты. Өз кезегинде рахмат айтып, ыр айткан жаш балдар футболчуларга жеңиш каалашты.

КРнын Футбол федерациясынын өкүлдөрү билдиришкендей, мындай жөрөлгө салтка айланып, бардык курактагы улуттук курамалар маанилүү мелдеш үчүн же даярдык үчүн чет жакка чыгып жатканда дайыма аткарылат. Андагы башкы максат - футболчулардын башка адамдардай эле коомдогу көйгөйлөргө терең аралашуусун, коомдогу жоопкерчиликти сезе билүүсүн камсыздоо.

Учурда бул балдар үйүндө 100гө чукул бала тарбияланат. Алардын басымдуу бөлүгүн ата-энелери карабай кеткен социалдык жетимдер түзөт.

Кошумчалай кетсек, 16 жашка чейинки курактагы футболчуларыбыз сентябрь айында өспүрүмдөр арасындагы Азия чемпиондугунун тандап алуу туруна катышышмакчы. Бул тандап алуу турунда алар Непал, Иордания жана Омандын футболчулары менен беттешишет. Мелдешке даярдык Кытайда көрүлөт.

Автор: Максат Кудайбердиев
Фото: Максат Кудайбердиев

15:17 05-08-2015

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 916 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 610 0

16:22 2025-05-09 | Супер-Инфо

Геморрой жана анын түрлөрү 642 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1904 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 715 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1291 0

Архив

Комментарийлер (8)

deva

2015-08-05 15:24:31

Азаматтар! Өздөрү бала болуп туруп мындай кадамга баргандарына бали дегенден башка нерсе айта алабйсың! Жанагы жаш балдарга зордук көрсөткөндөргө ушулар үлгү болушса экен, оомийин!

NurbekKG

2015-08-05 15:27:57

Бул момун инилерибизди Аллах 2 дүйнө бактылуу кылсын! Азаматсыңар!

kirgizstan

2015-08-05 15:34:09

Админ банга кетирип кечеден бери ичим куйуп кетти комментарии жазалбай тема бойунча азаматсынар

Altynbekk5

2015-08-05 15:43:49

Ой жигиттер аман болгула уткула бар болгула!!!

fanatkg

2015-08-05 17:10:38

Эрбол Атабаев ойнойбукен?

Takai

2015-08-05 19:34:11

Балдардын мөлтүрөгөн көздөрүн карап отуруп, көзүмөн жаш айланып кетти. Аттин, ушундай балдарды таштап келген эне бул энеби? Өмүрүн берсин кудайым.

kirgizstan

2015-08-05 19:42:58

Бир баланын бети жаман когоруптур

akniet7baiken

2015-08-06 05:00:46

Кыргыз жигиттер намыска бекем болушкан! Намысты алдырбагыла!

Комментарий калтыруу үчүн өз ысымыңыз менен кириңиз же каттоодон өтүңүз.