Ош облусунда Ислам өнүктүрүү комплексинин курулушу башталды

Ош облусунда Ислам өнүктүрүү комплексинин курулушу башталды. Бул тууралуу бүгүн, 10-августта Ош облустук казыятынын маалымат кызматы билдирди.

Маалыматка караганда, капсула коюу иш-чарасына өкмөттүн Ош облусундагы ыйгарым укуктуу өкүлү Сооронбай Жээнбеков жана имамдар, жергиликтүү тургандар катышышты. Облус башчы өз сөзүндө комплекс келечекте динди терең жайылтууда жана жаштарга туура диний билим берүүдө чоң өбөлгө болорун билдирди.

Айта кетсек, Ислам өнүктүрүү комплекси Ош облусунун мусулмандар казыятынын демилгеси менен курулуп жатат.

Автор: Бекжан Рыскулов