Боом капчыгайында таш көчкүдөн улам жабылып калган унаа жолун тазалоо иштери саат 20:00гө чейин уланат

Таш көчкүдөн улам жабылып калган Бишкек-Каракол унаа жолун тазалоо иштери саат 20:00гө чейин уланат. Бул тууралуу бүгүн, 12-августта Өзгөчө кырдаалдар министрлигинин басма сөз кызматы билдирди.

Маалыматка ылайык, таш көчкү Ысык-Көл облусунун Тоң районундагы Бишкек-Балыкчы унаа жолунун 131-чакырымында орун алды. Учурда Транспорт жана коммуникациялар министрлигинин №34-Жол-колдонуу ишканасы жолду кумдан жана шагылдан тазалап жатат. Азырынча унаа жолу ачыла элек. Алдын ала маалыматтарга ылайык, кырсыктан улам жаракат алгандар жок, бирок бир нече унаа зыянга учураганы айтылууда.

Автор: Нургазы Аматов