Бишкектик "Алгага" жеңилип калган "Бенфика" бүгүн бангладештик "Шейх Жамал" менен беттешет

Бүгүн, 13-августта саат 18:00дө Бишкектеги Дөлөн Өмүрзаков атындагы стадиондо "Бенфика" (Макао) командасы "Шейх Жамал" (Бангладеш) менен беттешет. Бул тууралуу КРнын Футбол федерациясынын басма сөз кызматы билдирди.

Айта кетсек, эки күн мурун, 11-августта бишкектик "Алга" командасы "Бенфиканы" 2:0 эсеби менен утуп алган. Ата мекендик клуб "Азия футбол конфедерациясынын кубогу-2016" турниринин тандоо бөлүгүнө өтүш үчүн 15-августта "Шейх Жамал" (Бангладеш) командасын жеңиши керек.

"В" тобунда "Алга", "Бенфика" (Макао) жана "Шейх Жамал" (Бангладеш) командалары бар. "Азия футбол конфедерациясынын кубогу-2016" мелдешинин тандоо бөлүгү 2016-жылы башталмакчы.

"В" тобундагы калган оюндар:

13-август, 18:00. "Бенфика" (Макао) - "Шейх Жамал" (Бангладеш).

15-август, 18:00. "Алга" (КР) - "Шейх Жамал" (Бангладеш).

Оюндар Бишкектеги Дөлөн Өмүрзаков атындагы стадиондо өтөт.

Автор: Нургазы Аматов