Чүй, Талас облустарына кошумча трансформаторлор орнотулду

Чүй, Талас облустарына кошумча трансформаторлор орнотулду. Бул тууралуу бүгүн, 24-август күнү “Түндүк электр” ачык акционердик коомунун басма сөз кызматынан билдиришти.

Маалым болгондой, аталган ишкана Бишкекте 8, Чүйдө 14 жана Талас облусунда 7 жаңы трансформатор орнотту.

Жалпысынан 2015-жылдын кыш мезгилине чейин “Түндүк электр” ишканасы өз каражатына 6/10-0,4 киловольттук 61 кошумча трансформатор орнотууну пландоодо, анын ичинен: Бишкек шаары боюнча – 20, Чүй облусу боюнча – 25, Талас облусу боюнча – 16. Бул максатты ишке ашыруу үчүн 21,2 миллион сомго жакын каражат каралган.