Ошто жол-кайгуул кызматкерлеринин ортосундагы чыр-чатак боюнча иликтөөнүн жыйынтыгы чыкты

Ош шаарында Жол-кайгуул кызматынын кызматкерлеринин ортосундагы чыр-чатак боюнча жүргүзүлгөн иликтөөнүн жыйынтыгы чыкты. Бул тууралуу бүгүн, 25-августта маалымат жыйынында ИИМдин башчысынын биринчи орун басары Нурбай Касымбаев билдирди.

Анын айтымында, 2015-жылдын 23-август күнү интернетте “Шефтин уулун кармаган ДПС уят сөгүш укту” деген аталышта тараган тасмадагы кызматкерлер Ош шаардык ИИБинин Жол-кайгуул кызматынын ага тескөөчүсү, милициянын майору Жеңиш Жумашов, милициянын атайын жол-кайгуул ротасынын ЖККнын тескөөчүсү, милициянын старшинасы Шакирбай уулу Иса, милициянын атайын жол-кайгуул ротасынын милиционерлери, милициянын старшинасы Шумкарбек Чотонов, милициянын сержанты Акбарали уулу Данияр экендиктери такталды.

"23-августта Ош шаарынын борбордук көчөлөрүнүн кесилишинде жогоруда аталган кызматкерлер өздөрүнүн кызматтарын аткарып жатышкан. Ал жерде алдынкы айнектери караңгылатылган Тойота Авенсис үлгүсүндөгү автоунаа башкаруу эрежесин сактабаганы үчүн токтотулган. Текшерген учурда айдоочусу өзүн Чыңгыз деп тааныштырып, айдоочулук күбөлүгү жок экендигин жана милиция кызматкеринин уулу болорун билдирген. Ош шаардык ИИБинин милициянын атайын жол-кайгуул ротасынын кызматкерлери ага протокол түзүп, автоунаасын ЖККнын айып жайына токтотушкан. Жол эрежесин бузган Чыңгыз аттуу айдоочу милициянын майору Ж.Жумашовдун уулу болгон",- деди Касымбаев.

"Бирок ЖККнын кызматкери, милициянын майору Ж.Жумашов мыйзамдын чегинде иш алып барбастан, өзү милициянын майору болуп туруп жаш жана кенже курамдын кызматкерлерине үлгү болуунун ордуна, тескерисинче, мамлекеттин кызыкчылыктарынан, мыйзамдарынан өзүнүн жеке кызыкчылыктарын жогору коюп, уулунун тарабында болуп, кызматтык милдеттеринин чегинен чыгып, кызматка болгон кайдыгер мамилеси менен уулунун жол эрежесин бузуп жүрүүсүнө шарт түзүп берген. Жүргүзүлгөн кызматтык иликтөөнүн жыйынтыгында ИИМдин ЖККнын жетекчилиги тарабынан уюштуруу жана тарбия иштери тиешелүү деңгээлде жүргүзүлбөгөнү аныкталган",- деп кошумчалады ИИМдин башчысынын биринчи орун басары. Андан соң ал бул окуя боюнча жалпысынан 14 кызматкер тартиптик жазага тартылганын баса белгиледи.

Автор: Нургазы Аматов

11:32 25-08-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (11)

EdikoKG

2015-08-25 11:44:26

Балык башынан сасыйт. Мыйзам баарыбыз учун жазылган.

Ago

2015-08-25 11:50:59

Грузия украинадгыдай реформа жасап туп тамырынан алмаштырыш керек куч кызматкерлерин.

jolbors8989

2015-08-25 11:51:21

maiordu kamap salyp, berki jashtardy anyn orduna maior kylyp dayindash kerek oshondoo tuura bolot.

+11

bolotbai

2015-08-25 12:05:59

Согунгон Жениш Жумашов дегенди наамдарын алып,жоопкерчиликке тартуу керек.Бутундой ИИМди уятка калтырганы учун.Ушунча жашка келип тырмактын учунчалык да жакшы соз билбегенин кара.Берки ГАИлерге наам берип ишинен албаш керек.

Bektur2

2015-08-25 12:09:23

Майорду жумуштан алып пагонун жулуп салыш керек

Diplomat.kg

2015-08-25 12:19:59

Бул кундо эле болуп жаткан корунуштун бири, просто мунусу гана ачыкка чыгып калыптырда!

Mongol1155

2015-08-25 12:21:19

Ушундай уят создор менен согушкон кызматкерлерди жумуштан алмак турсун катуу жазага тартыш керек эле.Булар болсо административдик жаза колдондук дейт.Бир-бири менен байланышы бар учун,ушундай жаза колдонулуп жатат.МВДнын контролго алганы кайсы?

fanatka19

2015-08-25 16:06:12

Майорду иштен алып,беркилерге тийишпеш керек,эгер алар да иштен алынса,анда мыйзам анык бузулут.

bema-krao

2015-08-25 16:22:56

Уят башка соз жок!

zamir-bek

2015-08-25 17:31:35

Дардан майор пуль менен кыйратам деп атат элего. Эми кантээр экен.

jazgul80

2015-08-25 20:02:34

Акча менен басып таштайм деп аткан эми эмне болоор экен. Тарбиясыз баласы уй булоолук ырыскысына жайлап койдуда

Комментарий калтыруу үчүн өз ысымыңыз менен кириңиз же каттоодон өтүңүз.