Бүгүн көк бөрү боюнча президенттин кубогун "Талас" командасы "Сары-Өзөн" командасы өз ара талашат

Бүгүн, 31-августта көк бөрү боюнча президенттин кубогуна арналган мелдештин финалы жана 3-орун үчүн оюн болот. Финалдык беттеште "Сары-Өзөн" командасы кубоктун учурдагы ээси "Талас" командасына каршы турат. Ал эми 3-орун үчүн беттеште "Достук" командасы менен ИИМдин командасы беттешет.

Кошумчалай кетсек, мелдеш 12 команданын катышуусунда 25-августта старт алган. Командалар иргелип отуруп, 29-августта финалчылар аныкталган.

Жарым финал:

"Сары-Өзөн" - "Достук" - 14:5

"Талас" - ИИМ - 7:1

3-орун үчүн беттеш:

"Достук" - ИИМ. Башталышы: 10:00

Финал:

"Талас" - "Сары-Өзөн". Башталышы: 11:30

Автор: Максат Кудайбердиев