Бишкекте спорттун 10дон ашык түрү боюнча мелдештер, көргөзмө оюндар болуп жатат

Бүгүн, 31-августта өлкөнүн бардык аймагында эгемендүүлүктүн 24 жылдыгы салтанаттуу түрдө белгиленип жатат. Буга байланыштуу Бишкекте бир катар маданий, спорттук иш-чаралар каралган.

Эски аянтта спорттун көркөм гимнастика, акробатика, будо-каратэ, таэквондо, дзюдо, самбо, оор атлетика, гиря көтөрүү, күрөш сыяктуу түрлөрүнөн көргөзмө оюндар орун алууда. Буга катар армрестлинг, стол тенниси, стритбол, шахмат, тогуз коргоол, ордо, жеңил атлетика, аркан тартыш street workout сыяктуу спорт түрлөрүнөн атайын мелдештер уюштурулууда. Ага профессионал спортчулар эмес, катардагы шаар тургундары катышып жатышат.

Автор: Максат Кудайбердиев
Фото: Максат Кудайбердиев