Футболчу Уэйн Руни 50-голун киргизип, Англия курамасынын тарыхындагы башкы бомбардирге айланды

Туура 12 жыл өткөн соң Руни курамдын тарыхындагы башкы бомбардирге айланды.

Уэйн Руни Англия курамасы үчүн алгачкы голун 2003-жылы 6-сентябрда киргизген.

Футбол боюнча Англия курама командасы кечээ, 8-сентябрда Европа чемпиондугунун тандоо турунда Швейцария менен беттешип, 2:0 эсебинде утуп алды. Экинчи голду кураманын капитаны Уэйн Руни өз эсебине жаза алды. Муну менен ал Англия курамасы үчүн киргизген голдорунун санын 50гө жеткирип, жаңы рекорд койду. Буга чейин Англия курамасынын тарыхында мыкты бомбардир Бобби Чарльтон болуп келген (49 гол).

Бомбардирлердин алдынкы бештиги төмөнкүчө:

№	Футболчу	Оюн	Гол
1	Уэйн Руни	107	50
2	Бобби Чарльтон	106	49
3	Гари Линекер	80	48
4	Жимми Гривз	57	44
5	Майкл Оуэн	89	40