Улуу Британиянын ханышасы Елизавета II эң узак мөөнөткө бийлик кылган монарх катары рекорд койду

10-октябрь, 2014-жыл. Елизавета II актриса Анжелина Жолинин Ыйык Георгий менен Ыйык Михаил орденин алган айымдардын катарына кошулуу аземинде.

22-март, 2001-жыл. Елизавета II "Гарри Поттердин" автору Жоан Роулинг менен.

7-декабрь, 2009-жыл. Елизавета II ырчы Леди Гага менен кайрымдуулук концерт учурунда.

24-июнь, 2014-жыл. Елизавета II менен ханзаада Филипп "Игра престолов" сериалын тартуучу топ менен жолугушуу учурунда.

1953-жыл. Ханышанын таажы кийүү салтанатынан көрүнүш. Бул иш-чараны телевизордон көрүү мүмкүнчүлүгү биринчи жолу түзүлгөн.

Улуу Британиянын ханышасы Елизавета II эң узак мөөнөткө бийлик кылган монарх катары рекорд койду.

Улуу Британиянын ханышасы, 89 жаштагы Елизавета II эң узак мөөнөткө бийлик кылган монарх катары рекорд койду. Буга чейинки рекорд Улуу Британияны 1837-1901-жылдары башкарган ханыша Викторияга таандык болгон.

Бүгүн кечинде азыркы ханышанын такка отурганына 63 жыл 217 күн болот (ханыша Викториядан бир күнгө көп). Бул күндү Елизавета II кадимки иш күнү катары баалаган. Ошондой эле жолдошу менен темир жолдун расмий ачылышына катышат.

1952-жылы Елизавета II 25 жашында такка отуруп, Бириккен Улуу Британия Падышалыгы, Түндүк Ирландия жана 15 мамлекеттин улутун бириктирген Шериктештиктин ханышасы аталган. Ханышанын таажы кийүү салтанатын телевизордон көрүү мүмкүнчүлүгү биринчи жолу түзүлгөн.

Елизавета Александра Мария 1926-жылы 21-апрелде туулган. Ал герцог Эдинбургскийге 21 жашында турмушка чыккан. Ханыша менен ханзаада Филипптин 4 баласы, 8 небереси жана 5 чөбөрөсү бар.

Автор: Айпери Ганыжан кызы