Футбол боюнча өлкө чемпиондугунда "Алга" жана "Абдыш-Атанын" беттешинде гол жаралган жок

Кечээ, 13-сентябрда Бишкекте футбол боюнча өлкө чемпиондугу - ТОП-Лиганын кезектеги туру болуп өттү. Бул күнү чемпиондукка башкы талапкер "Дордой" менен "Алай" ойноп, "дордойчулар" утушту. Ага катар бишкектик "Алга" өз үйүндө канттык "Абдыш-Ата" менен кез келди. Байгелүү 3-орун үчүн жарышып жаткан бул командалардын оюнунда күйөрмандар гол көрө алышкан жок. Жыйынтыгында 0:0 эсеби катталып, командалар бирден упай алуу менен үйлөрүнө тарашты.

Мелдеш жадыбалы:

Орун	Команда	Оюн	Упай
1	“Алай” (Ош)	15	35
2	“Дордой” (Бишкек)	14	33
3	“Алга” (Бишкек)	13	18
4	“Абдыш-Ата” (Кант)	14	17
5	“Ала-Тоо” (Нарын)	15	10
6	“Кейжи Юнайтед” (Бишкек)	13	4