2016-жылдан тарта мугалимдер кесиптик аттестациядан өтө башташат

2016-жылдан тарта мугалимдер кесиптик аттестациядан өтө башташат. Бул тууралуу бүгүн, 15-сентябрда маалымат жыйында билим берүү жана илим министри Эльвира Сариева билдирди. Министр мугалимдик стандарттар иштелип чыкканын кошумчалады.

"Учурда көптөгөн ата-энелер мугалимдердин иштөө деңгээлине нааразы. Мындан улам биз атайын стандарттарды иштеп чыктык.

Мындан тышкары 2016-жылдын 1-январынан тарта мугалимдерге алардын категориясы кайтарылып берилет. Ага ылайык, эмгек акылары да айырмаланып турат. Билесиздер, быйыл биз мугалимдердин 1 саат үчүн алган акчасын эки эсеге көбөйткөнбүз. Бирок ошол эле учурда билим берүү системинин кызматкерлери саламаттыкты сактоо тармагынан 10 пайызга азыраак маяна алып келишет",- деди министр.

Автор: Наргиза Бекжанова
Фото: Наргиза Бекжанова