Быйыл республикалык бюджеттин эсебинен өлкөдө 24 социалдык объект курулду

Быйыл 1-сентябрга карата республикалык бюджеттин эсебинен өлкөдө 24 социалдык объект курулду. Бул тууралуу бүгүн, 15-сентябрда маалымат жыйында Турак жай-курулуш департаментинин жетекчисинин орун басары Кушбак Жайчиев билдирди. Анын айтымында, 20 мектеп, 1 бала бакча, 1 спорттук комплекс жана 2 саламаттыкты сактоо имараты ишке берилген.

“2015-жылы “капиталдык салым” беренеси боюнча республикалык бюджеттен 2 082671,2 миң сом 283 социалдык жана 33 суу-камсыздоо объектилерин курууга бөлүнгөн. 1-сентябрга карата Каржы министрлиги аталган сумманын 1547669,9 миң сомун которду”,- деди Жайчиев.

Автор: Наргиза Бекжанова
Фото: Наргиза Бекжанова