Кыргыз Эл артисти Эрмек Мойдуновдун сөөгү жерге берилди (фото)

Бүгүн, 19-сентябрда Т.Сатылганов атындагы Кыргыз улуттук филармониясында Кыргыз Эл артисти Эрмек Мойдуновду акыркы сапарга узатуу зыйнаты өттү. Маркумду акыркы сапарга узатууга президенттик аппараттын башчысы Темир Жумакадыров, вице-премьер-министр Дамира Ниязалиева, маданият, маалымат жана туризм министри Алтынбек Максүтов, социалдык өнүгүү министри Кудайберген Базарбаев, саламаттык сактоо министри Талантбек Батыралиев, өкмөттүн Ош облусундагы өкүлү Сооронбай Жээнбеков жана маркумдун жакындары, санаалаштары, студенттер катышты.

Бийлик өкүлдөрү сөз сүйлөп, Мойдунов өз учурунда кыргыз музыкасына өзүнчө үн берип, жаңычылдыгы менен айырмаланып келгенин баса белгилешти.

Дамира Ниязалиева 1960-1970-жылдары жаштардын көпчүлүгү Мойдуновдун ырларына таасирленип чоңойгонун айтты. "Эне жөнүндө баллада", "Эстелик" деген ырлар мектеп жашындагы балдарга да жакындан тааныш болчу. Бул ырлар керемет ырлар эле. Мойдунов бул сыяктуу бир канча ырлардын багын ачып, элге жеткирди. Кайталангыс талант эле. Мойдунов агабыз бул дүйнөдөн кеткени менен, анын эмгегин биз эч качан унутпайбыз, дайым эл эсинде болот",- деди Ниязалиева.

Жакындары ал бүт өмүрүн жеке керт башы үчүн эмес, өз элине арнаганына токтолушту.

“Мойдунов эрте жетим калып, көп кыйынчылыкты башынан кечирген. Бүт өмүрүн элге арнап, чыгармачылыктын туу чокусуна чыкты. Эми мындай талант кайталанып келбейт”,- дешти жакындары.

Коштошуу зыянаты жыйынтыкталган соң маркумдун сөөгү "Ала-Арча" көрүстөнүндө жерге берилди.

Э.Мойдунов 17-сентябрь күнү жүрөк оорусунан көз жумган. Ал 1944-жылы Ош облусундагы Жапалак айылында төрөлгөн. Эл артисти 1967-жылы "Эне жөнүндө баллада", 1969-жылы "Сары-Челек", 1973-жылы "Күйдүм чок" аттуу ырлары менен таанымал болгон.

Автор: Жамалидин Парманкулов

12:07 19-09-2015

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Комментарийлер (3)

akzuura

2015-09-19 14:16:11

Жайы жаннатта болсун!
ушу чоңдорубуз качан өз алдынча сүйлөгөндү үйрөнүшөт экен!качан болсо бирөөгө жаздырып алышып окуп окуп анан сүйлөп беришет.
баардык чоңдор колунда ак кагаз!

joker007

2015-09-19 14:21:40

Жаткан жери жайлуу,топураны торко болсун.Туугандарына терен кайгыруу менен конул айтам,сабыр кылыныздар.

KGstan81

2015-09-19 14:39:38

Жайы Жанатта болсун Оомийн!Чон болобузбу, эл артисти болобузбу, жонокой адам болобузбу олгон адамдын соогун коп кыйнабай, эки кун кармабай жерге тезинен бериш керекпиз.

Комментарий калтыруу үчүн өз ысымыңыз менен кириңиз же каттоодон өтүңүз.