"Бишкексвет" борбордун Саманчы көчөсүнө пилоттук энергоэффективдүү жарыктарды орнотууда

"Бишкексвет" борбордун Саманчы көчөсүнө пилоттук түрдө энергоэффективдүү (светодиод) жарыктарды орнотууда. Бул тууралуу бүгүн, 22-сентябрда Бишкек шаарынын мэриясынын басма сөз кызматынан билдиришти.

Маалым болгондой, кубаттуулугу 120W жаңы үлгүдөгү лампалар Түштүк Кореяда чыгарылган. Алар Саманчы көчөсүнүн 15 жарыктандыргыч чырактарына орнотулууда. Мындан тышкары Ахунбаев жана Байтик баатыр көчөлөрүнүн кесилишиндеги «Физкультурный» скверине кубаттуулугу 60W 10 лампа алмаштырылат. Көчө жарыктандыргычтарын орнотуу тесттик режимде өтүүдө.

Автор: Наргиза Бекжанова