Бишкектин айрым көчөлөрү эртең саат 05:00дөн Айт намазы окулуп бүткүчө жабылат (тизме)

Бишкекте 24-сентябрда саат таңкы бештен Айт намазы окулуп бүткүчө айрым көчөлөр жабылат. Бишкек шаардык Жол-кайгуул кызматы жарандарды жана айдоочуларды мындай чектөөгө даяр болууга чакырууда. Автоунаа ээлерин жол кыймылын көзөмөлдөөчүнүн талаптарына толук баш ийүүгө жана автоунаанын ылдамдыгын чектен ашырбоого үндөдү. Майрамдык иш-чарага байланыштуу жабылуучу көчөлөр:

Чүй кең көчөсүнүн Тыныстанов көчөсүнөн Тоголок Молдо көчөсүнө чейинки бөлүгү;

Фрунзе көчөсүнүн Тыныстанов көчөсүнөн Тоголок Молдо көчөсүнө чейинки бөлүгү;

Тыныстанов көчөсүнүн Чүй кең көчөсүнөн Фрунзе көчөсүнө чейинки бөлүгү.

Автор: Автандил Добулбеков