Машыктыруучу Александр Крестинин улуттук курамга “Дордойдун” дагы 3 футболчусун чакырды

Даврон Аскаров (сары түстөгү формачан, №8)

Авазбек Откеев (№29)

Динмухамед Таалайбеков (№28)

Бүгүн, 28-сентябрда футбол боюнча улуттук курама команда Бишкекте машыгуу сборун баштады. 10 күн аралыгында команда Дүйнө чемпиондугунун тандоо турунун алкагында Тажикстан жана Бангладеш курамалары менен болчу беттешке даярданат.

КРнын Футбол федерациясынан кабарлашкандай, акыркы күндөрү кеңейтилген курамда өзгөрүү болду. Башкы машыктыруучу Александр Крестинин жетектеген машыктыруучулар штабы курамдан Иван Филатов (“Алга” клубунун оюнчусу) менен Ильяз Алимовду четтетип, алардын ордун “Дордойдун” 3 оюнчусу менен толуктады. Алар: Даврон Аскаров, Авазбек Откеев жана Динмухамед Таалайбеков.

Кошумчалай кетсек, тандоо турунда улуттук курам 8-октябрда Тажикстан менен, 13-октябрда Бангладеш менен беттешет. Эки беттеш тең Бишкектеги Дөлөн Өмүрзаков атындагы башкы стадиондо өтмөкчү.

Буга чейин жарыяланган кеңейтилген курам төмөнкүчө:

Дарбазачылар: Матяш Павел ("Maziya Sports" клубу, Мальдив аралдары), Кашуба Валерий ("Худжанд", Тажикстан), Агапов Максим, Зинченко Максим ("Дордой"), Амиров Руслан ("Алга").

Коргоочулар: Самсалиев Талант, Тего Дениэл, Ажиниязов Марат, Шакиров Шерзот, Шератов Курсан, Байматов Азамат (баары "Дордой"), Кичин Валерий ("Тюмень", Орусия), Козубаев Тамирлан ("Гранитас", Литва), Майер Виктор ("SV Meppen", Германия), Умаров Акрам ("Абдыш-Ата"), Юсупов Мустафа ("Ала-Тоо").

Жарым коргоочулар: Бернхард Эдгар (“Prachuap”, Таиланд), Землянухин Антон ("Раднички" Сербия), Дүйшөбеков Бахтияр, Мусабеков Фархат (экөө тең "Абдыш-Ата"), Амиров Ильдар, Рустамов Турсунали, Сидоренко Павел (баары "Алга"), Сыдыков Азиз, Жыргалбек уулу Кайрат, Харченко Вадим, Шамшиев Ислам (баары "Дордой").

Чабуулчулар: Виталий Люкс ("Нюрнберг-2", Германия), Мирзалиев Алмаз, Тетте Дэвид (баары "Дордой"), Мурзаев Мирлан (“Afjet Afyonspor”, Түркия).

Автор: Максат Кудайбердиев
Фото: Максат Кудайбердиев