Бир тууган кыргыз футболчулары Ильдар жана Руслан Амировдор түркиялык “Туранспор” клубу менен келишим түзүштү

Футбол боюнча мамлекетибиздин улуттук курамасынын оюнчулары Ильдар жана Руслан Амировдор клубдук карьераларын Түркияда улантышат. Футбол федерациясынан кабарлашкандай, алар кечээ, 3-октябрда “Туранспор” клубу менен келишим түзүштү.

Маалым болгондой, футболчулар акыркы 2 аптада бул команданын курамында машыгышкан. Ал эми келишим кечээ гана түзүлдү. Түркиянын 4-лигасында ойногон “Туранспор” клубунун курамында футболчуларыбыз бүгүн, 4-октябрда расмий оюнга чыгышмакчы.

Автор: Максат Кудайбердиев