Бишкекте добуш берүү уланууда. Жаңыча добуш берүү системи элге жаңылык болду (фоторепортаж)

Шайлоонун жүрүшүнө байкоочулар көз салып жатышат.

Шайлоочу тиешелүү маалыматты маалымат борборунан алып жатат.

Добуш берилип жаткан жайдын жалпы көрүнүшү...

Андан соң шайлоочу бюллетенди тиешелүү аппаратка салып, жарандык милдетинен арылат.

Бюллетень алган жаран бул жерден 14 партиянын бирин тандайт (же баарына каршы).

Андан соң шайлоочу чекти алып алып, арыда отурган тийиштүү кызматкерлерге барат. Алар шайлоочуну шайлоочулардын тизмесинен таап, бюллетень карматышат.

Андан соң тиешелүү чек алат.

Шайлоочу добуш берүү үчүн кирген соң өзүнүн документтерин текшертет.

Эл көп жерде эс-учун жоготкондор, өзүн начар сезгендер болуп калуусу мүмкүн. Бул дарыгерлер мындай кырдаалдарга даяр болуу үчүн отурушат.

Кезек күтүп турган шайлоочулар үчүн атайын түшүндүрмө иретинде бул сүрөт илинген.

Өзүн тизмеден таппай калгандар, каттоодон өтпөгөндөр, биометрикалык маалыматтарын тапшырбагандар жана өнөгүн күтүп жаткандар ооздо күтүп турушат.

Түштөн кийин кезек күткөндөрдүн саны азайып калды. Дене тарбия жана спорт мамлекеттик агенттигинин короосундагы шайлоо борборунда элдин иреттүү кезекке туруусу үчүн атайын тосмолор коюлган.

Эртең менен Байкоочу кеңештин мүчөлөрү бири калбай өз ордунда отурушкан. Түш оогон соң алардын айрымдары ордунда жок болуп жатат. Бул түшкү тамактануу үчүн убакыт бөлүнбөгөнү менен байланыштуу.

Буга чейинки шайлоолордо бюллетень урнага салынса, бул жолу атайын аппарат иштеп жатат.

Бүгүн, 4-октябрда Кыргыз Республикасынын аймагында жана өлкөнүн бир катар мамлекеттердеги элчиликтеринде кыргыз жарандары парламенттик шайлоо алкагында добуш берип жатышат. Калк таң атпай активдүүлүгүн көрсөтүп, шайлоо борборлорунда бир топ кезек күтүп турду.

Добуш берүүнүн жүрүшүн, тартибин сүрөттөр аркылуу айтып беребиз. Бул үчүн сүрөттөргө көңүлүңүздөрдү бурабыз жана түшүндүрмөлөрдү окууга чакырабыз.

Автор: Максат Кудайбердиев
Фото: Адилет Бектуров