Азия чемпиондугунун тандоо турунда жаш футболчуларыбыз Ливанга да 4:1 эсебинде утулушту

7-октябрь түнү Катардын Доха шаарында жаштар арасындагы Азия чемпиондугунун тандоо турунда "В" тайпасындагы мелдеш жыйынтыкталды. 19 жашка чейинки курактагы футболчулардан түзүлгөн Кыргыз Республикасынын курама командасы жыйынтыктоочу беттешин Ливанга каршы өткөрүп, 4:1 эсебинде утулуп калды. Кыргыз футболчуларынан жалгыз голду Жанбото Ырысбек уулу айып соккусунан киргизди.
Тайпада лидер Катар акыркы беттешинде Оман курамасын 2:1 эсебинде утуп, кийинки баскычка чыкты. Кошумчалай кетсек, кыргыз футболчулары тайпада буга чейин 2 беттеш өткөрүшкөн. Алгачкы оюнда Катар курамасына 7:1 эсебинде утулса, кийинки беттешинде Оманга 4:1 эсебинде багынган.
2016-жылы Бахрейнде өтө турган жаштар арасындагы Азия чемпиондугуна 10 тайпанын жеңүүчүлөрү, мыкты жыйынтык менен тайпаларда 2-орунду ээлеген 5 команда жана үй ээси Бахрейн катышат.
Азия чемпиондугунун 16 катышуучусу:

1. Өзбекстан – "А" тайпасынын жеңүүчүсү;

2. Сауд Арабия – "В" тайпасынын жеңүүчүсү;

3. БАЭ – "С" тайпасынын жеңүүчүсү;

4. Катар – "D" тайпасынын жеңүүчүсү;

5. Иран – "E" тайпасынын жеңүүчүсү;

6. Ирак – "F" тайпасынын жеңүүчүсү;

7. Вьетнам – "G" тайпасынын жеңүүчүсү;

8. Түштүк Корея – "H" тайпасынын жеңүүчүсү;

9. Кытай – "I" тайпасынын жеңүүчүсү;

10. Япония – "J" тайпасынын жеңүүчүсү;

11. Тажикстан – тайпада мыкты жыйынтык менен 2-орунду ээлеген команда;

12. Австралия – тайпада мыкты жыйынтык менен 2-орунду ээлеген команда;

13. Таиланд – тайпада мыкты жыйынтык менен 2-орунду ээлеген команда;

14. Түндүк Корея – тайпада мыкты жыйынтык менен 2-орунду ээлеген команда;

15. Йемен – тайпада мыкты жыйынтык менен 2-орунду ээлеген команда;

16. Бахрейн – Азия чемпиондугун өз үйүндө өткөрө турган команда.

Автор: Максат Кудайбердиев
Фото: Футбол федерациясынан

09:29 07-10-2015

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 987 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 683 0

16:22 2025-05-09 | Супер-Инфо

Геморрой жана анын түрлөрү 693 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 2014 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 758 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1356 0

Архив

Комментарийлер (8)

Edik_86

2015-10-07 09:39:59

Уяатта уяатта андан коро шаартыбыз жок эле деп ойнобой койушса болмок ушул команданын уттук дегенин укпадым

akyn-jurogu

2015-10-07 09:43:16

Буйруса 2050-жылы утабыз...

Abdyrashit.Satylganov

2015-10-07 09:53:03

Ойнобой эле койгула.. Жок дегенде 4:3 женилсенер да шүгүр демекпиз. 1 ден жылбай койдуңарго

ulanbek120190

2015-10-07 10:12:39

A balli utuldu degen sozdon bawkany ukpai kaldykko chirkin

amanatym

2015-10-07 10:18:33

жакшылап даярданып барышса жакшы болмок, бирок баары алдыда буюрса женишке да жетебиз.Кыргызстан алга!!!

ulanium90

2015-10-07 11:21:07

Эн биринчи бийлик куноолу деп эсептейм,себеби эч кандай колдоо,шарттар жок,футболго америкадагыдай мектептен кызыктырып ар кандай турнирлерди уюштуруп,каржылап колдоо корсотсо анан кучтуу футболчулар чыкмак

briliant87

2015-10-07 11:48:53

Ойнобой эле койгулачы айнанайындар.

EdikoKG

2015-10-07 12:40:02

Топ тоголок. Бирде утасынар. Бирде утуласынар. Ийгилик !

Комментарий калтыруу үчүн өз ысымыңыз менен кириңиз же каттоодон өтүңүз.