Кыргыз мушкери Урмат Рыскелдиев эми чемпиондук кур үчүн рингге чыгат

24-октябрда кыргыз мушкери Урмат Рыскелдиев Бүткүл дүйнөлүк бокс кеңешинин (WBU) чемпиондук куру үчүн беттеш өткөрөт. АКШнын Лос-Анжелес шаарында өтчү беттеш тууралуу маалыматты мушкердин менеджери Жаныш Осмон билдирди.

Маалым болгондой, беттеш 69 килограмм салмакта өтөт жана 8 раундга созулат. Урматтын атаандашы 27 жаштагы ямайкалык Натаниэл Галимор болмокчу. Ал профессионалдык рингде 9 беттеш өткөрүп, баарында жеңишке жетишкен (8 нокаут). Ал эми Урматтын карьерасына үңүлсөк, Урмат профессионалдык рингде 7 беттешке чыгып, 6 ирет жеңүүчү аталган. 1 беттеште тең чыгуу катталган.

Автор: Максат Кудайбердиев