Футбол федерациясы менен Билим берүү министрлиги меморандумга кол коюшту. Эми мектептерге сапаттуу 5 миң топ таратылат

Бүгүн, 12-октябрда КРнын Футбол федерациясынын президенти Семетей Султанов менен КРнын Билим берүү жана илим министри Эльвира Сариеванын катышуусунда өткөн иш-чарада кызматташуу боюнча меморандумга кол коюлду. Эми кызматташтыктын алкагында мектеп окуучуларына 5 миң топ таратылмакчы. Федерация топторду министрликке өткөрүп берет, топторду өлкөдөгү мектептерге таратуу иштерин министрлик моюнга алат. Семетей Султанов белгилегендей, бул белек "One world play project" Эл аралык долбоорунун алкагында тапшырылды. Бул долбоор алкагында дүйнөнүн 90 мамлекетине 1,5 миллион топ таратылган.

Министр Эльвира Сариева өз сөзүндө мектептерде командалык спорт түрлөрүнө өзгөчө көңүл бурулуп келгенин, бул кадам мектептерде футболду өнүктүрүүгө жакшы шарт түзөрүн белгиледи.

"Топтор 1-2 апта ичинде толук бөлүштүрүлүп, өлкөнүн бардык аймактарындагы мектептерге таратылат. Азырынча бир мектепке бирден же экиден топ тиерин болжоп жатабыз",- деди министр.

Федерациядан белгилешкендей, бул топтор адатта 1 айга жетпей жарылып же айрылып калып жаткан топтордон айырмаланат. Топтордун өзгөчөлүгү жели чыкпаганында жана сырткы бөлүгү таштак майданда, топурак майданда ойнолгонуна карабай оңой менен жыртылбайт.

Автор: Максат Кудайбердиев
Фото: Максат Кудайбердиев

13:18 12-10-2015

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 916 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 610 0

16:22 2025-05-09 | Супер-Инфо

Геморрой жана анын түрлөрү 642 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 1904 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 715 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1291 0

Архив

Комментарийлер (4)

Oi_pikir

2015-10-12 14:24:39

Сонун жаңылык экен. Негизи балдарды жашынан футбол, воллейбол, баскетбол сыяктуу командалык оюндарга кызыктырып, командалык духту которууго, уюштуруучулукка кондуруп, ден соолуктарын чындаш керек.

admin_portal

2015-10-12 14:45:48

bolotbai3, темадан алыс билдирүүңүз өчүрүлдү.

Dodon

2015-10-12 14:46:10

Эмне кереги бар окуучуларга бербегенден кийин биздин мектепке да 4 топ Берген эле директордун кабинетинен чыкбай жок болду бер ойнойлу десе тешесинер соревнования да берем деп

BAYAW-KG

2015-10-12 17:07:07

жакшы экен. бирок фудбол топтор жакшы бирок кээ бир мектептерде фудбол ойногонго жер жок. мисалы биздин айылда да жок валейбол васкедбол ж.б спорттук аянттар бир стадиондо жайгашкан. биздин да фудболго кызыгышыбыз бар. Эгер кыргыз элинин окуучуларына шарт тузуп беришсе фудболдон эн эле жакшы ойношот эле. Урматтуу биздин манаптар бизге да конул болунуздор. Кыргызстан учун. эгер жаш тайынан фудбол мн машыкса балдар биз деле мировой ойундарга чыгып ойномокпузда.

Комментарий калтыруу үчүн өз ысымыңыз менен кириңиз же каттоодон өтүңүз.