Кыргыз калыстары тандоо турунда Ооганстан менен Сириянын беттешин тейлешет

Бүгүн, 13-октябрда футбол боюнча Дүйнө чемпиондугунун тандоо турунда Азия чөлкөмүндө 6-тур оюндары орун алат. Азия футбол конфедерациясынын расмий сайты кабарлагандай, бул күнү 8 тайпада жалпысынан 14 оюн болмокчу.

"Е" тайпасында орун алчу оюндардын ичинен Сирия курамасы Ооганстан курамасы менен беттешет. Беттеш Сириядагы согушка байланыштуу Омандын Маскат шаарында өтмөкчү. Бул оюнду кыргыз калыстары тейлешет. Башкы калыстык милдетти Дмитрий Машенцев аткарса, ага Сергей Грищенко жана Бахадыр Кочкаров көмөктөшөт. Ал эми кошумча калыстын милдетин Рысбек Шекербеков аркалайт.

Автор: Максат Кудайбердиев