Транспорт министрлиги "ашууларда унаалардын жайкы дөңгөлөктөрүн кышкыга алмаштыргыла" деп эскертти

Транспорт жана коммуникация министрлигине караштуу Жол чарба департаменти аба ырайынын кескин өзгөрүшүнө байланыштуу айдоочуларга ашууларга чыгардан мурун жайкы дөңгөлөктөрүн кышкыга алмаштыруу керектигин эскертет. Максат - трассада унаа тыгындарынын алдын алуу. Департамент айдоочулардын жанында сөзсүз жол тайгакта дөңгөлөккө орой турган чынжырлар болушу керектигин маалымдады.

Акыркы жааган кардын айынан Бишкек - Ош унаа жолундагы Төө-Ашуу, Ала-Бел, Көк-Бел, Бишкек-Нарын-Торугарт трассасындагы Долон, Талас-Тараз-Суусамыр жолундагы Өтмөк ашуусунда жолдор тайгак болуп жатканы айтылды.

Автор: Анархан Алтымышова