Түрмөдөн качкан Алтынбек Итибаев жок кылынган аймакта сынык терезе, жыбыраган гильза калган (фоторепортаж)

Кечээ, 22-октябрда абактан качкан 4 кылмышкердин акыркысы Алтынбек Итибаев өлтүрүлдү. Аны жок кылуу операциясы Бишкектеги Достук кичи районунда орун алып, 3-4 саатка созулду. Бул түн тарсылдаган автоматтын үндөрү жана жардыруулар менен коштолуп, бул тегеректе жашаган эл уйкудан калды.

Бул аймакта 100гө чукул милиция кызматкери таң атканча күзөттө турду. Аймактагы сүрөттөлүшкө токтолсок, эртең менен эрте турган эл атышуу болгон аймакты карап, сынык терезелер жакка улам кылчайып өтүп жатат. Ар жерде гильзалар, жарылуучу заттардын калдыктары болгон. Кийинчерээк милиция кызматкерлери гильзаларды баштыктарга терип кетишти.

Окуя Достук кичи районунун башталышында жайгашкан 8-үйдүн 3-кабатында орун алган. Бул окуя болгон үйдүн батыш капталындагы көрүнүшү. Мында сынык азыраак болгон.

Окуя тууралуу маалыматы жок киши деле арыда ачык турган терезени көрүп, бул жерде бир нерсе болгонун жана ал жайда эч ким түнөбөгөнүн болжойт. Себеби азыркы аба ырайы түнкүсүн терезени ачык таштоого жол бербейт.

Достук кичи районундагы 8-үй. Тургундар милиция кызматкерлеринен түндө болгон окуя тууралуу кызыгып сурап жатышат.

Үйдүн түбүндө кадимки жууркан сууга чыланган бойдон турат. Бул көрүнүш түрдүү ойго жетелейт: жууркан атышуу маалында үйүнөн шашып чыга калган бирөөнүкүбү же октябрдын суугунда селсаяктарды сууктан коргогон жуурканбы...

Таң атканча милиция кызматкерлери аймакта күзөттө турушту. Алардын так санын айтуу мүмкүн эмес, болжол менен 100гө чукул.

Бул 8-үйдүн чыгыш тарабындагы капталы. Кире бериште тосмо коюлуп, элди киргизбей турушат.

Бул 8-үйдүн чыгыш тарабындагы капталы. Бул жерде маңдайкы 2 терезеден тамтык калган эмес.

Албетте, алгач көңүл тарпы чыккан терезеге бурулат. Ошондой эле дубалдын боорунан октун издерин байкоого болот. Ал эми бул терезелердин тушунан автоматтын окторунун гильзаларын көрүүгө болот.

Көз ачыштыруучу газдын калдыктары...

* Терезенин тушунан кадам сайын гильзаларды көрүүгө болот.

Терезенин тушунан кадам сайын гильзаларды көрүүгө болот.

Түндө тегеректеги дүкөндөр саат жетиге жетпей эле жабылып калган. Түнкү окуядан улам уйкусу бузулган айрым соодагерлер алигиче дүкөндөрдү ача элек.

Үйүнөн чыгып жумушту көздөй бет алган тургундардын баары окуя болгон үйдү карап өтүп жатышат.

Автор: Максат Кудайбердиев
Фото: Максат Кудайбердиев

09:13 23-10-2015

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (18)

AiBoru

2015-10-23 09:21:40

Ыйлагын келет. Кимди куноолошту да билбейсин, мумкун орган кызматкерлериби, мумкун атайын заказчиктерби же канкор кылмышкердиби? Ушулардын айынан байкуш куноосуздор жабыркаганын. Эми буга ким жооп берет!(?)

nazi25

2015-10-23 10:09:23

Кылмышкер жалгыз эмес экен эле го,эми калганын да издешеби?

mega.argen

2015-10-23 10:13:30

Итибаев тин өлгөн сурөтү жокко эч жерде

jasgul

2015-10-23 10:26:10

эмне ошончолук коркунучтуу кылмышкер беле,тамтыгы калбаптыр го.

nurik903

2015-10-23 10:30:51

андай адамдар олуш керек да

Adel2015

2015-10-23 10:48:38

бул окуяда сыр бар,а эмнеге байкесин камап койушат мен тируу кармап берем десе?медер итибаевди...

Proffi70

2015-10-23 10:55:19

Биринчиден Итибаевдин олгон суроту жок. Экинчиден Итибаев аткан автоматтын гильзаларынын суроту жок. Учунчудон Итибаев аткан октордун издеринин суроту жок...

Izana

2015-10-23 11:25:43

Proffi70, олгон видеосу журбойбу элдик видеодо

mirlanchik9

2015-10-24 17:22:54

Proffi70, Сен кайдан билесин Итибаев кандай ок мн атканын же гильзанын сериасын билесинби?

kammilla

2015-10-23 11:23:14

Айланайындар тимеле бир дуйнолук киллер менен атышкансып пай-пай ...мамлекеттин огун аяп койсонор болмок тамтыгы калбаптыр го ....же бул эмне "показухабы "

Laro4ka

2015-10-23 12:20:43

kammilla, вот именно показуха. Муну тушунгондор гана тушунот. Эми тиги больницадагыны да бир шылтоо менен олтуруп коюшат. Иш кылып биз билбеген чоон сыр катылып жатат го мунун артында.......

Jigitronic

2015-10-23 11:33:46

Мына шалаакылыктан,коркоктуктан кылмышкер болсо да адам өмүрү кыйылды,сен кылмышкер деген менен анын да ата энеси бала чакасы бар алар аны сүйөт.

OYSI

2015-10-23 17:35:28

Бир кылмышкерди кармаш учун ушундай болдубу ээ, акыры буттубу ушу менен?

tursunbaev2004

2015-10-23 22:13:11

OYSI,жок дагы бироо бар

bakyt.kg

2015-10-24 01:01:32

кылмышкер терорист булар эгерде бир уюумда болгондо эчаак эле кыргызстандан чыгып кетишмек корунгондон нан сурабай чистый постонова

_just

2015-10-24 14:56:01

люди это все цирк можно было технично взять без потерь
биздин спецназ бир бандитти заложниги жок бандитти кармай албаса
бут баарын жоготуш керек калп эле акчанын баарын жебей

Belekbai

2015-10-24 16:41:53

Мындай кырдаалда ал баланын жакындарынын бирин же апасын же агасын алып барыш керек болчу мумкун апасын коруп ок чыгарбай колго тушуп бермек башкаларда жабыркамак емес бул ИИМ дин шалаакылыгы же атайын кылынган иш болсо керек

mirlanchik9

2015-10-24 17:26:15

Belekbai, Олтурулгон кылмышкерлер тюрмада жон олтурбай топ топтошкон типа давват. Булар бийлике тирy керек эмес болчу.

Комментарий калтыруу үчүн өз ысымыңыз менен кириңиз же каттоодон өтүңүз.