Кыргыз футболчуларынын Бангладеш менен оюнунда стадиондо дагы 70тей отургуч сынган (фоторепортаж)

Быйыл футбол боюнча Дүйнө чемпиондугунун тандоо турунда кыргыз футболчулары Бишкекте 3 беттеш өткөрүштү. Улуттук курам алгач Австралияны кабыл алып, 2:1 эсебинде утулду. Андан кийин футболчуларыбыз тажик футболчулары менен 2:2 эсебинде тең ойношту. Акыркы беттеш Бангладешке каршы болуп, анда биздин пайдабызга 2:0 эсеби катталды. Бардык оюндарда Дөлөн Өмүрзаков стадиону күйөрмандарга жык толду.

Бир жаман жагы, бардык беттештер күйөрмандардын түрдүү жосунсуз жоруктары менен эсте калды. Мисалы, Австралияга каршы беттеште стадионго билетсиз күйөрмандар киришти, бирөө майданга чуркап чыкты. Мунун айынан КРнын Футбол федерациясын ФИФА (Эл аралык футбол федерациясы) 28 миң долларга айыпка жыкты. Тажикстан менен болгон беттеште бул каталар кайталанган жок, бирок оюнга чейин 2 миңге жакын отургуч жаңыртылганына карабастан, күйөрмандар 250 отургучту сындырып кетишкен. "Бангладеш менен болгон оюн тынч өттү, мурункудай көрүнүштөр кайталанган жок" дегенибиз менен, бул оюнда да отургучтар сынган. Өздүк булактар кабарлашкандай, анда болжол менен 70тей отургуч сынган.

SUPER.KG порталынын кызматкерлери стадионго барып, андагы көрүнүш менен таанышып келишти. Ооба, сынган отургучтарды байкадык. Айрым жайларда отургучтар алынып салынган. Балким, Иорданияга каршы беттеште бул орундарга башка отургучтар коюлат деп болжодук. Сүрөттөргө көз салып, андагы көрүнүш менен сиз да таанышыңыз, окурман.

Кошумчалай кетсек, Бангладешке каршы беттеш 13-октябрда орун алып, анда кыргыз футболчулары 2:0 эсебинде жеңишке жетишкен. Эсиңиздерде болсо, жеңиш алып келген голдорду Виталий Люкс жана Ильдар Амиров жараткан. Бул жеңиштен кийин 3 упайга ээ болгон улуттук курам упай катыштыгында 3-орунда ишенимдүү келе жатат.

Автор: Максат Кудайбердиев
Фото: Максат Кудайбердиев

15:22 25-10-2015

Жазылуу

РУБРИКАДАГЫ СОҢКУ КАБАРЛАР

18:25 2025-05-09 | Коом жана турмуш

"Ала-Тоо" аянтында Улуу Жеңиш майрамына карата концерт өтүп жатат 987 0

17:27 2025-05-09 | Супер-Инфо

Айгерим Эшим, ырчы: «Ырым сөзсүз хит болушу керек дебейм» 683 0

16:22 2025-05-09 | Супер-Инфо

Геморрой жана анын түрлөрү 693 0

15:50 2025-05-09 | Коом жана турмуш

Кызыл аянтта Кыргыздын Улуттук гвардиясы параддан өттү (видео) 2014 0

15:35 2025-05-09 | Коом жана турмуш

Парад, оюн-зоок, "Өлбөс полк"... Ошто Жеңиштин 80 жылдыгы салтанаттуу белгиленди 758 0

15:22 2025-05-09 | Түркүн дүйнө

Москванын Кызыл аянтында Жеңиш парады өттү 1356 0

Архив

Комментарийлер (23)

ILYAS181296

2015-10-25 16:11:51

Кунго какталып эле турса желимдин деле сапаты кетет экен,аларды атайылап сындырган жок. Кичине эле урунса сынып калат экеню Ошондуктан,стадиондун устун жапса сонун болмок да. Кырыгыз футболчуларына ийгилик!!!

Holerik10

2015-10-25 16:13:48

Тез тез футбол болсо баары талкаланып,жаны аянт куруп беришебилееее...

nursultan1

2015-10-25 16:15:31

Менимче бул жерде адаттан тыш эч нерсе деле жок, отургучтар эскирип калганы байкалып турат. Биздин команда гол киргизгенде көбү отургучтун үстүнө чыгып кетет ошондо сынса керек)) Голдор кире берсин, отургучтар сына берсин :D

+12

RASTAMAN

2015-10-25 16:37:49

Эскилиги жетип калыптырго озу...

yarmuuk

2015-10-25 16:41:08

Арзан баадагы сабатсыз талапка жооп бербейтурган отургучтар.

tuigan.

2015-10-25 16:44:55

Тамтыгы чыгып калган столдорунун озу эле кайсы бети менен ондодук дешип жатат.мен билгенден заборду эле тосушуптур.отургучтары олтурсан жамбашына жабышып чыгат ото бош

Tima07

2015-10-25 17:06:31

Эскини ондогуча эсин кетет дечу беле.

Azahan

2015-10-25 17:26:25

Столдор кунго какшып куйуп, жамгырда калып сыныватат,анын устун жабыш керек, элестетсенер 40градус ысыкта турат, желим сынбаганда мен сынамбы! Биринчи устун жапкыла жондон жон эле элди кунолобой.

jake91

2015-10-25 17:30:15

Андай стольду жаны койсо да сынат ал жон еле каучук екенго

bolotbai3

2015-10-25 17:34:49

Быйылча футболдук таймаш буткучо стадионду колдон келишинче карайт.Анан дагы бир кыйла жыл унутта калат кийинки футболдук чемпионатка тандап алуу туру болгуча.Озу бизге эмне жагат ия?

-5

uz.nookat

2015-10-25 18:01:44

Демек 70 тей ХХХ ХХХ ХХХ...

-4

Abdyrashit.Satylganov

2015-10-25 18:59:52

uz.nookat, ХХХ ХХХ ХХХ... Отургучтар эскерип калган.. Кыргыздар ошондой бийик күйөрман болушат. Гол киргенде секире коюуп сындырып алса керек да..

admin_portal

2015-10-26 13:18:16

Abdyrashit.Satylganov - эскертүү!
Жеке айтышууларга тыюу салынат.

admin_portal

2015-10-26 13:17:39

uz.nookat - эскертүү!
Башкалардын улутун, динин жана башка нерселерин кемсинткен билдирүүлөргө тыюу салынат.

knk

2015-10-25 18:56:38

Депутаттардыкындай 120 кг. которо турган отургучтарды коюш керек экен. Эскилери озу эле кунго куюп калган турбайбы.

advokat.nur

2015-10-25 19:28:57

ээ эскирип калган столдору эл балта мн сындырат беле.Бетке эле айтсанар болот эле жанылап бергиле эарабай калжы деп

argymak.kg

2015-10-26 11:48:48

Бул турулуу иш го, чыгаша болбосо киреше да боло бербейт.

nurchik05

2015-10-26 13:04:50

бул желим ысык суука касествосун жоготот ошого сындыда өңү да өчкөнү көрүнүп туратго

Комментарий калтыруу үчүн өз ысымыңыз менен кириңиз же каттоодон өтүңүз.