Кыргыз кикбоксчулары Сербиядагы Дүйнө чемпиондугунан 1 алтын, 2 күмүш медаль менен кайтышты

Уланбек Касымбеков

Авазбек Аманбеков

Рустам Ибрагимов

28-31-октябрь аралыгында Сербияда кикбоксинг боюнча Дүйнө чемпиондугу болуп өттү. Мелдеште лоу-кик, кик-лайт жана К1 түрлөрүнөн жеңүүчүлөр аныкталды. Кыргыз мамлекетинин желеги астында мелдешке 15 спортчу катышты. Бул тууралуу мелдештин расмий сайты кабарлайт.

Маалыматка ылайык, мелдеште кыргыз спортчулары 1 алтын, 2 күмүш медалга ээ болушту. Атап айтсак, Уланбек Касымбеков лоу-кик түрүнөн 54 килограмм салмакта алтын тагынган. Ал эми 57 килограмм салмакта Авазбек Аманбеков финалда орусиялык спортчуга утулуп, күмүш медаль тагынды. Дагы бир медалды өлкө капчыгына Рустам Ибрагимов алып келди.

Автор: Максат Кудайбердиев
Фото: Максат Кудайбердиев