Жалал-Абадда жол оңдоо ишканасынын мурдагы башчысы “ири көлөмдөгү бюджеттик каражаттарды ээлеп алган” деп шектелүүдө

Жалал-Абад облусунун Сузак районунун №22-Жол оңдоо ишканасынын мурдагы башчысы “ири көлөмдөгү бюджеттик каражаттарды ээлеп алган” деп шектелүүдө. Бул тууралуу бүгүн, 4-ноябрда Ички иштер министрлигинин басма сөз кызматынан билдиришти.
Маалым болгондой, экс-жетекчи жол оңдоодо кызматтык жасалмалоо жана ири көлөмдөгү бюджеттик каражаттарды ээлеп алуу боюнча шектелүүдө. Бул фактыны Жалал-Абад облустук милициясынын 5-бөлүмү аныктаган. Учурда “ири көлөмдөгү бюджеттик каражаттарды ээлеп алуу” жана "кызматтык жасалмалоо" беренелеринин негизинде кылмыш иши козголуп, иликтөө уланууда.

Автор: Наргиза Бекжанова