Кыргыз футболчулары Австралияда экинчи машыгуусун өткөрүштү (фоторепортаж)

Бүгүн, 10-ноябрда кыргыз футболчулары Австралиянын Канберра шаарында экинчи машыгуусун өткөрүштү. Машыктыруучу Александр Крестинин жетектеген курам стандарттык абалдарда ойноо ыкмасын жана каршылаш чабуул кылып жатканда коргонуудан чабуулга чыгуу ыкмасын кайталап, оюндардагы түрдүү кырдаалдарга даярдык көрүштү. Бул тууралуу КРнын Футбол федерациясынан кабарлашты.

Маалыматка ылайык, коргоочулар Азамат Байматов жана Виктор Майер кечээ учуп келип, улуттук курамга кошулушту жана жалпы команда менен чогуу машыгышты. Өз клубунун акыркы оюнунда жеңил жаракат алган Виталий Люкс өз алдынча машыкты.

Автор: Максат Кудайбердиев
Фото: КРнын Футбол федерациясы