SUPER.KG`нин кызматкерлери 15 метр аралыктан ок атуу боюнча мелдеште алдынкы 2 орунду ээлешти

Бүгүн, 12-ноябрда өкмөттүн алдындагы Жазаларды аткаруу мамлекеттик кызматы журналисттерди 7-Ноябрь - Маалымат жана басма сөз күнүнө карата куттуктап, чакан иш-чара уюштурду. Иш-чара алкагында жергиликтүү бир катар массалык маалымат кызматынын өкүлдөрү сыйланып, аларга ыраазычылык каттары жана грамоталар ыйгарылды.

Ошондой эле журналисттер арасында Макаров тапанчасынан ок атуу боюнча чакан мелдеш өткөрүлдү. Ага 10дон ашык өкүл катышты. Жобо боюнча бута 15 метр аралыкта коюлуп, катышуучуларга алгач даярдануу иретинде атканга үчтөн ок берилди. Андан кийин дагы үчтөн ок берилип, анын жыйынтыгы эсепке алынды.

Жыйынтыгында SUPER.KG порталынын кызматкерлери ийгиликке жетишишти. Нургазы Аматов 22 упай топтоо менен 1-орунду ээледи. Ал эми Максат Орозумбетов дагы 22 упай топтогону менен, даярдык алкагындагы жыйынтыктары үчүн 2-орунду алды.
Кошумчалай кетсек, мындай мелдештерде 22 упай топтоо жакшы жыйынтык катары бааланат. Мыкты жыйынтык 24 упайдан жогору болот.

Автор: Максат Кудайбердиев
Фото: Максат Кудайбердиев