2016-жылы өтчү футбол боюнча Европа чемпиондугунда ойной турган 24 команда белгилүү болду, мелдеш Голландия, Босния курамаларысыз өтөт

Футбол боюнча 2016-жылы Францияда өтүүчү Европа чемпиондугунун тандоо туру аяктап, мелдештин финалдык баскычына катышчу бардык 24 команда белгилүү болду. Бул тууралуу мелдештин расмий сайты кабарлайт.

Маалыматка ылайык, кечээ, 17-ноябрда тандоо турунда өз тайпаларында 3-орунду ээлеген 8 команда өз ара жооптук оюндарын ойношту. 2 оюндун жыйынтыгында жеңүүчү аталган 4 команда "Евро-2016га" жолдомо алды. Алар: Швеция, Украина, Ирландия жана Венгрия.

Акыркы тандоо турундагы жыйынтыктар:

Дания - Швеция - 2:2 (алгачкы оюн 1:2)

Словения - Украина - 1:1 (алгачкы оюн 0:2)

Ирландия - Босния - 2:0 (алгачкы оюн 1:1)

Венгрия - Норвегия - 2:1 (алгачкы оюн 1:0)

Кошумчалай кетсек, буга чейин финалдык баскычка тандоо турундагы 9 тайпанын лидерлери жана 2-орунду ээлеген 9 команда, үй ээси Франция жана 3-орунду ээлеген командалардын ичинен мыкты жыйынтык менен Түркия курама командасы чыккан.

Европа биринчилигине катыша турган 24 команда:

Франция (үй ээси), Англия, Чехия, Исландия, Австрия, Португалия, Түндүк Ирландия, Швейцария, Испания, Италия, Бельгия, Уэльс, Албания, Румыния, Германия, Польша, Орусия, Словакия, Хорватия, Түркия, Швеция, Венгрия, Ирландия, Украина.

Автор: Максат Кудайбердиев