Токон Мамытов Европа өлкөлөрү эмне үчүн экстремисттерге туруштук бере албай жатышканын айтты

“Бириккен Улуттар Уюмунун катчылыгы жана батыш өлкөлөрүнүн күч түзүмдөрү эмнеден улам исламды жамынган экстремисттерге туруштук бере албай жатышканын билдиришти”,- деди бүгүн, 25-ноябрда Бишкекте өткөн тегерек столдо коопсуздук боюнча серепчи Токон Мамытов. Анын айтымында, Парижде болгон окуя жана башка экстремисттерден келген чабуулдар жаштардын социалдык-экономикалык жана миграциялык чечилбеген маселелерине байланыштуу.

“Исламды жамынып жүргөн террорчулардын идеологиясы өтө күчтүү. Алар көздөгөн максаты үчүн өз өмүрлөрүн курмандыкка чалууга даяр. Ал эми батышта курсагы ток адамдар мындай кадамга барбайт. Муну түшүнгөн батыш "биз алардын идеологиясына каршы эч нерсе иштеп чыга албай жатабыз, биздин эл өз мамлекети үчүн жанын берүүгө даяр эмес" деп айтты”,- дейт Мамытов.

Автор: Наргиза Бекжанова
Фото: Наргиза Бекжанова