"Манас" эпосунун күнүнɵ карата Нарын шаарында маданий иш-чаралар ɵткɵрүлүүдɵ

4-декабрь - "Манас" эпосунун күнүнө карата Нарын шаарында бир катар маданий-массалык иш-чаралар өткөрүлүүдө. Бул тууралуу мэриянын басма сөз катчысы Элиза Качкымбаева билдирди.

"Ата-бабаларыбыздын урпактарына калтырган ыйык мурасы - «Манас» эпосунун үчилтигин сактоо, өнүктүрүү, кеңири жайылтуу максатында мэрия тарабынан атайын иш-чаралардын планы иштелип чыккан. Анын алкагында жогорку жана орто окуу жайларда, орто мектеп, балдар бакчаларында, китепканаларда тегерек столдор, ачык сабактар, адабий кечелер, жолугушуулар өткөрүлүп, дил баяндар жазылып, «Манас» залдары жана бурчтары уюштурулду.

Ошондой эле шаардын мектептеринде өткөрүлгөн «Манас таануу» сынагынын мыктылары 4-декабрь күнү Нарын облустук музыкалык-академиялык драма театрында белгилене турган «Манас» эпосунун күнүндө өз өнөрлөрүн тартуулашат. Ал эми Нарын шаардык мэриясы тарабынан катышуучуларды сыйлоо үчүн атайын белектер даярдалды",- дейт Э.Качкымбаева.

Өкмөттүн 2015-жылдын 27-апрелиндеги №259-токтомунун негизинде «Манас» эпосунун күнүн жыл сайын 4-декабрда белгилөө жагы аныкталган.

Автор: Айпери Ганыжан кызы

08:33 03-12-2015

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (1)

mira28

2015-12-03 11:16:53

Акыркы жылдары Манас эпосу унутулуп бараткансыйт.Мурда тарбиялык саатар ар кандай иш чаралар отуп турчу.Дуйного кыргыздын атын тааныткан эпосту кийинки муундар унутпоосу учун кобуроок кайрылып турсак болмок.Тарбиялык жагы да коп.

Комментарий калтыруу үчүн өз ысымыңыз менен кириңиз же каттоодон өтүңүз.