ИИМ Оштогу жер титирөөдөн жабыркагандарга жардам катары 200 миң сом берди

Ош облусундагы жер титирөөдөн жапа чеккендерге жардам берүү үчүн ачылган атайын эсепке ИИМ 200 миң сом которду. Бул тууралуу мекеменин басма сөз кызматы 2-декабрда билдирди.

17-ноябрда Кыргыз Республикасынын аймагында жер силкинүү катталган. Кара-Суу районунда көптөгөн жашоочулар турак жайсыз калган эле. Өзгөчө кырдаалдын кесепетин жоюу максатында 2015-жылдын 1-декабрында Кара-Суу районундагы Чайчи айылынын тургундарына 2 даана (эки бөлмөлүү) мобилдик турак үй жеткирилди. Мындан сырткары мамлекеттик ишканалар тамак-аш жагынан жана акчалай жардам көрсөтүшүүдө.

Автор: Айпери Ганыжан кызы