Бишкекте “Манас” эпосунун күнүнө карата “Жаш манасчы” аттуу сынак өттү

Бишкекте “Манас” эпосунун күнүнө карата “Жаш манасчы” аттуу сынак өттү. Муну бүгүн, 7-декабрда калаа мэриясынан билдиришти.

Маалым болгондой, "Манас" эпосун айтуу боюнча сынакка бала бакча жана башталгыч класстардын тарбиялануучулары катышты. Иш-чаранын жыйынтыгы менен бала бакчалар арасында 1-орунду №165-бала бакчадан Дастан Нурланов, 2-орунду №1-бала бакчадан Илимбек Абдыкадыров, №79-бала бакчадан 3-орунду Абдыкалык Бактыбеков жана 4-орунду Илим Кыргызалиев алды.

Окуучулар арасында 1-орунга №39-мектеп-гимназиясынан Элбарс Асыкбеков, 2-орунга №66-мектеп-гимназиясынан Акжол Макелов, 3-орунга №59-орто мектептен Калыбек Майрамбек уулу, 4-орунга №58-орто мектептен Акылай Жолдошбек кызы татыды. Сынактын жеңүүчүлөрү баалуу белектер жана грамоталар менен сыйланышты.

Автор: Наргиза Бекжанова