Нарында миңге чукул жолбун итти атканы жатышат. Бул ишке бюджеттен 170 миң сом бөлүнгөн

Нарын шаарында жакын арада миңге чукул жолбун ит жок кылынат. Бул ишти аткарууга жергиликтүү бюджеттин эсебинен 170 миң сом акча каражаты бөлүнүп берилген. Муну бүгүн, 9-декабрда Нарын мэриясынын басма сөз кызматынан билдиришти.

“Нарын шаарында ит-мышыктардан жугуучу оорулардын тарап кетишине бөгөт коюу жана алдын алуу максатында жолбун иттердин санын азайтып, жок кылуу боюнча иштер жыл сайын жүргүзүлүп келет. Нарын шаарынын мэринин буйругу менен мергенчилик чарба менен келишим түзүлүп, жолбун иттерди атуу уюштурулууда. Ички иштер бөлүмү иттерди атып өлтүрүү учурунда коопсуздукту сактоо боюнча мергенчилерге көмөк көрсөтөт. Былтыр 150 миң сом бөлүнүп, 907 жолбун ит жок кылынган”,- деп айтылат маалыматта.

Автор: Наргиза Бекжанова
Фото: Интернеттен алынды